Хуҷанд: Даври ниҳоии озмуни шаҳрии “Тоҷикистон-Ватани азизи ман” ҷараён дорад

0
181 просмотров

Дар кохи Суғдиёни шаҳри Хуҷанд даври ниҳоии озмуни ҷумҳуриявии “Тоҷикистон-Ватани азизи ман” дар шаҳри Хуҷанд сурат гирифта истодааст.
Дар озмун беш аз 70 нафар бо ҳам дар рақобат баромадаанд.
Озмун аз рӯи номинатсияҳои оҳангсоз, сароянда, навозанда, шоир ва ровии беҳтарин гузаронида мешавад.
Гуфта мешавад, ки ҳар як номинатсия дорои талаботи махсуси касбӣ буда, дар вақти иҷро таълифи асари мусиқӣ, шеър, суруд ва оҳанг ба инобат гирифта мешаванд.
Имрӯз то бегоҳӣ барандаи Шоҳҷоиза ва ғолибони номиннатсияҳои озмун муайян хоҳанд шуд.
Ҷоиз ба зикр аст, ки мақсади асосии озмун дарёфти истеъдодҳои нави соҳаи санъат, баланд бардоштани мақому маҳорати касбӣ, тақвият бахшидан ба касбияти баланди ҳунари иҷрокунандагӣ ва эҷоди мусиқии нав, инчунин таълифи ашъори баландғояи ватандӯстона, дарёфти беҳтарин намунаҳои оҳанг ва сурудҳои тараннумгари дастовардҳои замони

       Истиқлолияти давлатӣ саҳми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар эъмори давлатдории навини тоҷикон ва тарғибу ташвиқи анъанаҳои арзишманди миллию меросӣ иборат мебошад.
Бояд қайд намуд, ки озмуни ҷумҳуриявии “Тоҷикистон-Ватани азизи ман”дар се давра гузаронида шуда, даври аввали он дар шаҳру ноҳияҳои ҷумҳурӣ, даври дуюм дар марказҳои вилоятҳо доир мегардад.
Даври сеюми озмун 16 ноябри соли 2019 дар пойтахти мамлакат-шаҳри Душанбе ҷамъбаст мегардад. Ғолибони озмун бо диплому ҷоиза ва дигар туҳфаҳои кумитаи тадорукоти озмун қадрдонӣ мегарданд. Барандаи Шоҳҷоизаи озмун соҳиби 50 ҳазор сомонӣ мегардад.
Ёдрас мешавем, ки озмуни мазкур бо ибтикори Вазорати фарҳанги Ҷумҳурии Тоҷикистон, Кумитаи телевизион ва радиои назди Ҳукумати Ҷумҳурии Тоҷикистон ва дигар вазорату идораҳои дахлдор баргузор карда мешавад.

Дафтари матбуоти Раиси шаҳри Хуҷанд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: