Хуҷанд: маҷмуъи маҳсулоти саноати ба 1 миллиард сомонӣ расид

0
287 просмотров

Дар толори Мақомоти иҷроияи ҳокимияти давлатии шаҳри Хуҷанд мутобиқ ба Амри Президенти Ҷумҳурии Тоҷикистон аз 15 сентябри соли 2011 ва ҷадвали баргузории нишастҳои матбуотии Мақомоти иҷроияи ҳокимияти давлатии вилояти Суғд нишасти матбуотии Раиси шаҳри Хуҷанд Маъруф Муҳаммадзода оид ба натиҷаҳои фаъолияти Мақомоти иҷроияи ҳокимияти давлатии шаҳр дар соли 2018 бо иштироки беш аз 40 нафар журналистони дохилию хориҷӣ баргузор гардид.

Нахуст Раиси шаҳри Хуҷанд Маъруф Муҳаммадзода иттилоъ дод, ки баҳри иҷрои дастуру супоришҳои Асосгузори сулҳу Ваҳдати миллӣ-Пешвои миллат, Президенти мамлакат мӯҳтарам Эмомалӣ Раҳмон доири омодагӣ ба таҷлили 30 солагии Истиқлолияти давлатии Ҷумҳурии Тоҷикистон ва дар амал татбиқ намудани Қарори Раиси вилояти Суғд муҳтарам Раҷаббой Аҳмадзода “Дар бораи эълон гардидани 1300 рўзи ободонию созандагӣ” давоми соли 2018 дар самти суръатбахшии истеҳсолот, пешбурди ҳамаи паҳлуҳои ҳаёти ҷамъиятию сиёсӣ, иқтисодию иҷтимоӣ, равнақи созандагию бунёдкорӣ ва ободонӣ чораҳои амалӣ андешида, ба нишондиҳандаҳои иҷтимоию иқтисодӣ устуворӣ ва тақвият бахшида шуд.

Бахшида ба 30-солагии Истиқлолияти давлатии Ҷумҳурии Тоҷикистон дар шаҳри Хуҷанд бо фарогирии 341 банд,аз ҷумла сохтмон, азнавсозӣ ва таъмиру таҷдиди беш аз 510 иншооти соҳаи хоҷагии халқ ба нақша гирифта шудааст.Бояд қайд намуд, ки тибқи нақшаи чорабинии мазкур бунёди як қатор корхонаҳо ва коргоҳҳои истеҳсолию саноатӣ, сохтмон ва таъмиру азнавсозии муассисаҳои маориф, фарҳанг ва тандурустӣ, сохтмони биноҳои истиқо-матии баландошёна ва маъмурию хизматӣ, сохтмони ҳаммом, чойхона, толори ҳусн, марказҳои хизматрасонӣ ва ғайраҳоро дарбар гирифтааст ва то соли 2021 сохта ба истифода дода мешаванд.

Дар маҷмўъ то имрўз дар доираи тарҳҳои пешбинишуда, аллакай 48 банди нақшаи чорабинии мазкур бо харҷи беш аз 323 миллиону 910 ҳазор сомонӣ бомуваффақона иҷро шуд. Ва дар ин самт як қатор иншоотҳои гуногуни иҷтимоию маишӣ, савдою хизматрасонӣ мавриди истифода қарор гирифтанд. Ин тадбирҳо имкон дод, ки дар шаҳри Хуҷанд наздик 900 ҷойи нави кори доимӣ таъсис дода шуданд.

Иттилоъ дода шуд, ки дар 61 банди нақшаи чорабиниҳои тадбирҳои 30 солагии Истиқлолияти давлатии Ҷумҳурии Тоҷикистон дар шаҳри Хуҷанд корҳои сохтмонӣ вобаста ба бунёди як қатор иншоотҳои гуногуни иҷтимоию маишӣ, саноатию хизматрасонӣ ва маъмурӣ идома дорад.

Таъкид шуд, ки дар самти расидан ба ҳадафи чоруми миллӣ- саноатикунонии босуръати кишвар, яъне ба мамлакати индустриалӣ мубаддал кардани Тоҷикистон ва афзун намудани ҳиссаи саноат дар маҷмӯи маҳсулоти дохилӣ дар шаҳр тадбирҳои мушаххас андешида шуданд. Бори аввал дар таърихи Истиқлолият маҷмуъи маҳсулоти саноатии шаҳри Хуҷанд ба 1 миллиард сомонӣ расонида шуданд. Дар самти тақвияти иқтидори соҳаи саноати кишвар, теъдоди корхонаҳои истеҳсолии хурду миёна ба 163 адад расида, он нисбат ба ҳамин давраи соли сипаригашта 8 адад афзудааст.

Маъруф Муҳаммадзода гуфт, ки дар натиҷаи фаъолияти пурсамари корхонаҳои саноатии шаҳр давоми марҳилаи ҳисоботӣ ба миқдори 1132,4 млн. сомонӣ маҳсулот истеҳсол карда шудааст, ки он нисбат ба ҳамин давраи соли гузашта 120,8 млн. сомонӣ ё 11,9 дар сад афзудааст. Дар шаҳр 86 намуд маҳсулоти саноатӣ истеҳсол карда мешавад, ки аз онҳо ҳаҷми 63 намуд маҳсулотҳо нисбат ба ҳамин давраи соли 2017 зиёда аз 100,0 фоиз таъмин карда шудааст. Дар соли ҳисоботӣ аз тарафи 11 корхонаҳои саноатии шаҳр ба маблағи 188,4 млн. сомонӣ маҳсулот ба давлатҳои хориҷии дуру наздик содирот карда шуда, ҳаҷми он дар муқоиса бо ҳамин давраи соли 2017 ба маблағи 5,2 млн. сомонӣ зиёд шудааст. Инчунин аз ҷониби 54 адад корхонаҳои хурду калон маҳсулотҳои ивазкунандаи воридот ба маблағи 318,9 млн. сомонӣ истеҳсол гардид, ки он нисбат ба ҳамин давраи соли 2017 ба маблағи 38,2 млн. сомонӣ ё 13,6 фоиз зиёд мебошад. Тақвияти иқтидории нишондиҳандаҳои ҳамаи самтҳои иқтисодию иҷтимоии ин давра ба мо имкон дод, дар давоми соли 2018 нақшаи қисми даромади буҷети давлатии шаҳр 101,1 фоиз таъмин гардида, ба буҷет 380,2 млн. сомонӣ ворид шуд, ки нисбат ба нақшаи тасдиқ гардида, 4,3 млн. сомонӣ ва нисбат ба ҳамин давраи соли 2017 ба маблағи 37,6 млн. сомонӣ ё 11,0 дар сад зиёд мебошад. Дар ин давра ба буҷети маҳаллии шаҳр 155,5 млн. сомонӣ ворид гардид, ки ин аз нақша бо назардошти ворид намудани таъғироташ 100,1 фоизро ташкил дода, дар муқоиса ба ҳамин давраи соли 2017 ба маблағи 18,9 млн. сомонӣ ё 13,8 фоиз афзудааст. Бояд қайд намоям, ки соли равон буҷети шаҳр ба андозаи 419 миллион сомонӣ қабул карда шуд ва ин нишондиҳанда низ дар замони Истиқлолият дастоварди чашмрас мебошад.

Вобаста ба эълон гардидани соли 2018 “Соли рушди сайёҳӣ ва ҳунарҳои мардумӣ” Раиси шаҳри Хуҷанд Маъруф Муҳаммадзода гуфт, ки тадбирҳои мушаххас андешида шуд ва дар соли сипаришуда зиёда аз 64,0 ҳазор нафар ба шаҳр ташриф оварда, аз мавзеъҳои сайёҳию ёдгориҳои шаҳр бархурдор шуданд, ки аз онҳо 4,3 ҳазор нафар сайёҳони хориҷӣ ва 59,7 ҳазор нафар сайёҳони дохилӣ буда, гардиши маблағи умумии соҳаи сайёҳӣ зиёда аз 2,7 млн. сомонӣ мебошад. Ҷиҳати рушди инфрасохтори соҳаи сайёҳӣ ва барои ҳарчӣ бештар ҷалби сайёҳони хориҷӣ ба шаҳри бостонӣ, дар боғи Камоли Хуҷандӣ ба бунёди роҳи танобӣ бо дарозии 1050 метр, тарабхонаҳои “Форел” дар кўчаи Сирдарё ва “Темурмалик” дар хиёбони Раҳмон Набиев санги асос гузошта шуд. Ин ҳама ҷойҳои нави корӣ ва ба ҷалби бештари сайёҳон оварда мерасонад.

Сипас, намояндагони расонаҳои хабарӣ, саволҳо дода, аз ҷониби Раиси шаҳри Хуҷанд Маъруф Муҳаммадзода ҷавобҳои қанотбахш гирифтанд.

Дар анҷоми нишатси матбуотӣ Маъруф Муҳаммадзода ҳавасмандии хешро ҷиҳати рушди ҳамкориҳои минбаъда баён дошт.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Боиси дарозумрии инсон

Ҳар фарди солимфикру боақл мехоҳад, ки дар зиндагӣ умраш дароз бошаду номаш ҷовидона монад. Барои расидан ба ин ҳадафҳои олии инсонӣ чӣ бояд кард? Қабл ...
%d такие блоггеры, как:

Сообщить об опечатке

Текст, который будет отправлен нашим редакторам: