Хуҷанд: Озмуни «Расмкаши беҳтарин» байни тарбиятгирандагони кӯдакистонҳо

0
70 просмотров

Бо мақсади амалӣ намудани Қонуни Ҷумҳурии Тоҷикистон «Дар бораи маориф», Қонуни Ҷумҳурии Тоҷикистон «Дар бораи таълиму тарбияи томактабӣ», Консепсияи миллии тарбия дар Ҷумҳурии Тоҷикистон бахшида ба эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» ва Рӯзи байналмилалии ҳимояи кӯдакон баҳри баланд бардоштани ҳисси ифтихори миллӣ, ватандӯстию меҳанпарварӣ, тарбияи маънавию зебоипарастӣ, дарки зебоиҳои табиати кишвар, инкишоф додани қобилияти эҷодкорӣ як моҳ инҷониб дар муассисаҳои томактабии шаҳри Хуҷанд байни тарбиягирандагон озмуни шаҳрии «Расмкаши беҳтарин» ҷараён дорад.


Дар муассисаи таҳсилоти томактабии №24-и шаҳри Хуҷанд даври ниҳоии он баргузор ва ғолибон муайян карда шуданд.
Озмун аз рӯйи 2 шарт: яке расмкашӣ дар рӯйи варақ бо истифода аз мӯйқалам ва рангҳои обӣ. Дигаре мавзуъи тасвир ва андозаи варақи рамкашӣ, ки аз ҷониби ҳайати доварон пешниҳодгардида.
Таъкид шуд, ки озмуни мазкур бо мақсади бештар ба роҳ мондани масъулияти зебоишиносӣ, баҳри баланд бардоштани ҳисси ифтихори миллӣ, ватандӯстию ватанпарварӣ, тарбияи маънавию ҳунармандӣ, инкишоф додани қобилияти эҷодкорӣ байни тарбиятгирандагони муасссаҳои таълимии томактабӣ гузаронида шуд.
Дар натиҷаи баҳогузории ҳакамот шоҳҷоиза насиби тарбиятгирандаи Муассисаи таҳсилоти томактабии №28 Фотима Неъматова гардид. Ҳамчунин ду ҷойи якумро Шаҳзода Ҷӯрабоева (МТТ№13) ва Далер Ҷалилов (МТТ №32) ба даст оварданд. Шаш ҷойи 2 ва нуҳ ҷойи 3-юмро дигар иштирокдорони пешқадами озмун ишғол намуданд.
Ба 15 нафар фаъолони озмун сипосномаҳо тақдим карда шуданд.
Ғолибони озмун бо дипломи дараҷаҳои 1, 2, 3 ва туҳфаҳои хотиравӣ сарфароз гардиданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Нишасти матбуотии Вазири корҳои дохилӣ

Имрӯз дар толори маҷлисгоҳи ВКД Нишасти матбуотӣ оид ба ҷамъбасти фаъолияти хизматии мақомоти корҳои дохилӣ дар соли сипаригардидаи 2017 бо иштироки Вазири корҳои дохилӣ генерал-полковники ...
%d такие блоггеры, как:

Сообщить об опечатке

Текст, который будет отправлен нашим редакторам: