Хуришҳои кореягӣ

0
1 120 просмотров

Cолҳои охир  хуришҳои кореягӣ  ба бисёр шаҳрвандон писанд меоянд.  Дар бисёр мағозаҳо ва бозорҳо сабзии тунд,  карами туршу ширин ва дигар хуришҳои кореягиро харидорӣ кардан мумкин аст. Намуди зебо,  таъми хуш ва лаззати нотакрори  ин хуришҳо  дастархони солинавиро бой  мекунанд.

Вале бохабар бошед, истеъмоли зиёди ин намуди хуришҳо  ба касалиҳои гуногун  ба мисоли  зиёдшавии туршии меъда, нобиноӣ,  заъфи дил оварда мерасонад. Истеҳсолкунандагон ба хуришҳои кореягӣ глютамат натрий, ки маводи кимёвӣ мебошад,  илова мекунанд.  Глютамат натрий  — ин намаки  мононатриявӣ буда, ба хуришҳо лаззати  хуш медиҳад  ва онҳоро  камоб мекунад.  Барои ҳамин  пеш аз харидани ин хуришҳо ба микдори оби дар зарфи хуриш буда  диққат диҳед.  Агар миқдори об зиёд бошад,  донед, ки ин хуриш аз  глютамат натрий  бой аст.

Боз ба бўйи хуриш диққат диҳед.  Агар ба димоғатон  бўйи тези  қаламфуру  сирко расад, аз харидории ин хуриш даст кашед,  зеро баъзан  маводи камсифатро бо воситаи  қаламфури зиёду  сирко руйпуш мекунанд. Дар хотир доред, ки хуриши босифат мўҳлати истифодашавии на зиёда аз 2 — шабонарўзро дорад.

Беҳтараш барои дастархони идона аз хуришҳои камсифат харидорӣ накарда, ба маслиҳатҳои мо диққат диҳед ва худатон бо дили гарму дастони пок хуришҳои гуногуни идонаро тайёр кунед. Мо аз ҷониби худ  ба таваҷҷўҳи Шумо тарзи тайёр намудани  сабзии тундро меомўзонем.

Ба таркиби ин хуриш 1 килограмм сабзи, 1 дона пиёз, 1 дона сирпиёз,  қайлаи лубиё (соевый соус), 120 грамм сирко, 100 грамм равғани растанӣ,  қаламфури куфташудаи сиёҳ ва сурх, кореандр, намак ва шакар дохил мешавад.  Сабзиро  реза карда,  ба он камтар намак андозед ва дар сирко  ба муддати ним соат гузоред. Баъд,  бо воситаи элак  обашро тоза карда, сабзии резакардашударо ба зарф гиред. Ба сабзии тайрёшуда каламфури сиёҳ пошед,  камтар шакар  илова  кунед ва қайлаи лубиёро андозед.  Пиёзро реза карда,  дар равғани  растанӣ то ранги сурхи баланди сиёҳтоб шуданаш бирён кунед. Сипас, сўхтаҳои пиёзро чида гиред ва ба равғани гармшуда  қаламфури сурх ва кореандрро илова кунед.  Маводи тайёршударо  бо  сабзӣ омехта карда сирпиёзи қиммашударо илова кунед.  Сарпўши зарфро зич пўшед ва ба хунукӣ монед.  Агар хуриши тайёршуда дар хунукӣ  ба муддати як шабонаруз истад боз ҳам болаззаттар  мешавад.

Нет комментариев

Также рекомендуем

Эълони натиҷаҳои пешакии раъйпурсии умумихалқӣ оид ба ворид кардани тағйиру иловаҳо ба Конститутсия

22 май соли 2016 дар Ҷумҳурии Тоҷикистон маъракаи муҳими сиёсӣ-раъйпурсии умумихалқӣ оид ба ворид кардани тағйиру иловаҳо ба Конститутсияи (Сарқонуни) Ҷумҳурии Тоҷикистон доир гардид, ки ...