Иҷрои нақшаи солонаи маҳсулоти кишоварзии содиротии Хатлон

0
90 просмотров

Дар шашмоҳаи аввали соли равон аз шаҳру навоҳии вилояти Хатлон ба хориҷи мамлакат 90 ҳазору 235 тонна маҳсулоти кишоварзӣ, аз ҷумла меваю сабзавот содирот шудааст, ки ин  ба нақшаи яксолаи содироти маҳсулот баробар аст. Дар ин бора аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд.

Мудири бахши Намояндагии Агентии содироти назди Ҳукумати Ҷумҳурии Тоҷикистон дар вилояти Хатлон Шарофиддин Асомиддинзода иброз намуд, ки нақшаи содироти маҳсулоти кишоварзӣ ба хориҷи мамлакат имсол 90 ҳазор тонна муқаррар гардидааст. То имрӯз нақшаи мазкур барзиёд иҷро ва баробар ба 100,3 фоизи дурнамо маҳсулот содир гардид, ки назар ба ҳамин давраи соли 2019 4548,9 тонна маҳсулот бештар бароварда шудааст.

Имсол ба Ҷумҳурии Қазоқистон беш аз 76,5 ҳазор тонна, Покистон 11188 тонна, Афғонистон 2276,4 тонна, Федератсияи Россия 105,3 тонна ва Қирғизистон 63,2 тонна маҳсулот фиристода шудааст.  Аз ҷониби соҳибкорон танҳо ба кишвари аврупоии Литва 20 тонна тарбуз содир гардид.

Ба гуфти масъулин, асоси содироти маҳсулоти кишоварзиро дар вилоят пиёзи барвақтӣ ташкил медиҳад. Танҳо аз ноҳияи Ҷайҳун ба кишварҳои хориҷӣ зиёда аз 31 ҳазор тонна пиёз содир шудааст.

Ёдовар мешавем, ки содироти меваю сабзавот дар ноҳияҳои минтақаҳои кӯҳӣ, аз ҷумла Муъминобод, Ховалинг, Шамсиддини Шоҳин, Балҷувон ва Норак оғоз гардидааст.

Манбаъ: АМИТ «Ховар»

Нет комментариев

Также рекомендуем

Президент ба милисаҳо мошин тӯҳфа кард

Президенти Тоҷикистон ба Дастаи таъиноти махсуси милитсияи шаҳри Кӯлоб ду мошин туҳфа кардааст. Тавре дафтари матбуоти Вазорати корҳои  дохилии Тоҷикистон хабар медиҳад, ин туҳфаи Эмомалӣ Раҳмонро Раҳимзода ...
%d такие блоггеры, как:

Сообщить об опечатке

Текст, который будет отправлен нашим редакторам: