Иҷроиши нақшаи таъмири роҳҳои Хуҷанд ба 107,3% расид

0
334 просмотров

Имрӯз дар кӯчаи ба номи А. Суворови маҳаллаи «Чорчароғ» мумфаршкунӣ ба охир мерасад.
Чуноне, ки қаблан маълумот дода будем дар асоси супориши Раиси шаҳри Хуҷанд давоми ҳафта муассисаи давлатии истифодабарии роҳҳои шаҳри Хуҷанд ва ширкати «Суғдроҳ» корҳои таъмиру мумфаршкунии роҳҳои шаҳрро вусъат бахшиданд.
Давоми се рӯзи қаблӣ роҳсозони шаҳр кӯчаи мазкурро тахту ҳамвор намуда барои таъмири куллӣ омода намуданд.
Кормандони муассисаи давлатии истифодабарии роҳхои Хуҷанд ният доранд то интиҳои рӯз кӯчаи мазкурро пурра аз таъмир бароварда мавриди истифода қарор диҳанд.
Масофаи умумии роҳ 160 метр буда, маблағи умумии корҳои таъмиру мумфаршкунӣ зиёда аз 80 ҳазор сомонӣ аст. Аз маблағ 10 ҳазор сомонӣ саҳми сокинону соҳибкорон,-истиқоматкунандагони кӯчаи мазкур буда 70 ҳазор сомонии онро Мақомоти иҷроияи ҳокимияти давлатии  шаҳри Хуҷанд пардохтааст.
Лозим ба ёдоварист,ки масофаи умумии таъмири роҳҳои назар ба маълумоти то санаи 10 ноябри соли равон ба ҷойи 39,1 км таъмири  асосии нақшавӣ 40,1 км роҳ аз таъмири куллӣ бароварда шуда,  нақшаи таъмири ҷорӣ бошад ба ҷойи 18 км нақшавӣ то санаи зикргардида 22 км роҳ аз таъмири ҷорӣ бароварда шудааст.
Нақшаи солонаи таъмири роҳ дар шаҳри Хуҷанд 57,1 км пешбинӣ гашта буд, ки то нимаи аввали моҳи ноябр масофаи роҳҳои таъмиргаштаи маркази вилоят ба 61,25 км буда, он 107,3 % иҷроиши нақшаро таъмин намудааст.

Манбаъ: http://khujand.tj

Нет комментариев

Также рекомендуем

Худжанд признан лучшим городом Согда

По итогам областного конкурса на звание «Лучшего города Согдийской области» лучшим городом северного региона Таджикистана признан город Худжанд, административный центр Согда. Как отметили «Авеста» в ...