Идоракунандаи бозӣ ҳангоми мағлуб гардидан, хуни ҳақиқӣ мегирад.

1
200 просмотров

Ба пул бозиданро аз хотир бароред!  Агар Шумо ҳақиқатан дӯстдори бозиҳои қиморӣ бошед, пас худро дар бозии нав санҷида бинед. Дар он идоракунандаи (контроллер) бозӣ ҳар боре, ки ба таври виртуалӣ Шуморо дар бозӣ  ба қатл расонанд, хунатонро мегирад. Лоиҳа  “Варзиши хунин” ном гирифта,  маҳз барои ба воқеият наздик гардонидани бозӣ офарида шудааст. Ҳар боре, ки Шумо дар бозӣ маҷрӯҳ мешавед, контроллер ба дастгоҳи махсус хабар мефиристад. Дар  натиҷа аз Шумо каме хун гирифта мешавад. Пеш аз оғози бозӣ, ба бозигар лозим меояд, ки ба ӯ дастгоҳи донорӣ васл карда шавад.

Ба ғайр аз ин, қабл аз бозӣ ба система даровардани маълумотҳои шахсӣ дар бораи синну сол, вазн ва дигар хусусиятҳои тиббии бозигар ҳатмӣ мебошад. То ин ки ҳангоми бозӣ ягон ҳодисаи ғайричашмдошт рух надиҳад, аз қабили аз ҳуш рафтан ҳангоми хунравӣ, иттилоъ медиҳад сарчашмаи Engadget.

Ҳадафи асосии ин лоиҳа, тарғибу ташфиқ намудани донорони хун дар тамоми ҷаҳон арзёбӣ мегардад.  Дар айни замон марказҳои саломатӣ ба донорон эҳтиёҷ доранд. Агар ҷараёни хунгирӣ ба воситаи “варзиши хунин”  каме идома ёбад, шояд барои зиёд шудани сафи донорон мусоидат кунад.

Дар айни замон мутахассисони лоиҳаи  “Варзиши хунин” барои Kickstrter маблағ ҷамъоварӣ мекунанд,  аммо дар оянда онҳоро чӣ интизор аст, ҳоло маълум нест. Бо вуҷуди ин, лоиҳаи мазкур  усули наву ҷиддиест, барои ҷалб намудани донорони хун.

Сарчашма: matrix-tv.tj

 

1 comment

Опубликовать новый комментарий

Также рекомендуем