Паёмҳои саршор аз меҳру муҳаббатро баҳратон нисор месозам, истифодабарандагони медиапортали «Тироз»!
Имрӯз мехоҳам чанд мисрае доир ба ролике, ки дар бахши «Видеои рӯз» ҷой дода шудааст, бигӯям. Ин навори видеоӣ аз ҷониби студияи наворбардории видео ва фотопродакшни «Абдулло Медиа» таҳия гаштааст. Он 17 марти соли равон баҳри ибрози ҳисси меҳру муҳаббат ба ватан, нишон додани воқеаву рӯйдодҳои хоссаи Тоҷикистон ва барои дар хотирот мунаққашсозии як порчаи ҳаёти Шумо (тибқи фармоиши шахсони алоҳида) чун тӯйи арӯсӣ, ҷашни зодрӯз ва ғайраҳо таъсис дода шудааст. Муассиси ин студия Турсунов Бахтиёр Убайдуллоевич буда, бо таъсиси ин студия мехоҳад, зебоиҳои кишвари моро нишон диҳад. Аз тарафи ин муассиса аллакай даҳҳо роликҳое таҳия гаштаанд, ки «Чилучорчашма», «Душанбе -2015», «Баҳори Данғара — 2015», «Зебоиҳои Тоҷикистон» аз муассиртарини роликҳост. Агар хоҳед, ки аз ин роликҳо дидан намоед, пас шумо метавонед бевосита ба сомонаи ин студия рӯй оваред. Сомонаи он зери истиноди abdullo-media.tj қарор дорад, аз ин рӯ бе ягон монеа дохили он гардед, видеоҳоро тамошо кунед, то як ҷаҳон лаззати маънавӣ аз онҳо бардошта бошед. Дар ин роҳ ба шумо сайри хушу хотирмон ва фараҳбахшро таманно мекунам! Дар охир тавсия медиҳам, ки ролики ҷойдодашудаи медиапортали моро аз «Абдулло Медиа» албатта тамошо намоед, то аз лаззату ҳаловати беандоза аз манзараҳои нотакрори диёри ҷоноҷонамон бархурдор гардед.
Хайр, то сӯҳбати оянда! Сарбаландиву хонаободӣ насиби ҳамешагии Шумо бод, азизони дилу дида!
Нет комментариев