Ифтихор дорам, ки корманди Радиои «Тироз»-ам!

0
1326

Зеботар аз лолаву садбарги тар аст, зан,

Аз наҷми саҳар тозаву пурнуртар аст, зан.

Хуршеди само дар қадамаш саҷда гузорад,

Олиҳаи якто ба аҳли башар аст, зан.

Воқеан, зани тоҷикро ба гулҳои тару тоза ва бемислу монанд шабоҳат медиҳанду барои бузургиву таҳаммулпазириаш арҷ мегузоранд. Зеро, аз ҳамаи занҳои ҷаҳон зеботару дилрабо ва покдоману назаррабо маҳз бонуи тоҷик аст!

zarnigor

Яке аз чунин бонуи меҳнатдӯсту меҳанпарвар, бофарҳангу хушкалом ва некрафтору некгуфтор ҳамкори мо, хабарнигор, муҳаррир ва наттоқи ширинсухану беназир Зарнигори Рустам (Сулаймонова) мебошад.

Соли сеюм аст, ки ӯ дар ин даргоҳи дилкашу банур ва муқаддасу фарҳангӣ фаъолият менамояд.

Моҳи январи соли 2014 бо фармони Сарвари кулли ҶДММ ШТРР «Тироз» Хуршед Азимҷонович Ӯлмасов ба кор қабул шудаву аз рӯзҳои нахустини фаъолият худро бонуи бисёр меҳнатдӯсту покдоман ва масъулиятшиносу ширинкалом муаррифӣ намуд.

Дар ҳар як баромаду гуфторҳояш бо меҳру муҳаббати беандоза сухан карда, тавассути барномаҳои шабакаҳои Радиоии «Тироз» ва «Тирози Ҷавонӣ» ба монанди «Ҳамроз», «Ахбор», «Экспресс хабар» ва ғайра мунтазам ва мустақиман меҳмони хонадони шунавандагони сершумор мешавад.

Шояд саволе ба миён ояд, ки Зарнигор оё хатмкунандаи шӯъбаи журналистика ва ё филологияи тоҷик аст?

zarnigor-2

Аслан, ӯ хатмкунандаи факултаи «Сиёсатшиноси ва муносибатҳои байналхалқӣ» («Дипломатия»)-и Донишгоҳи давлатии ҳуқуқ, бизнес ва сиёсати Тоҷикистон мебошад. Донишгоҳро соли 2012-ум  бо баҳои «аъло» ё худ «дипломи сурх» ба итмом расонида, фаъолияти меҳнатии хешро оғоз намуд.

Чун аз овони кӯдакӣ ба сухангӯиву наттоқӣ ва шеърхониву ғазалгӯӣ меҳри зиёд дошт, хост истеъдоду маҳорати хешро дар ин ҷода бисанҷад. Зеро, аз давраи наврасиву ҷавонӣ, яъне мактабхонӣ сухангӯии ровиёну наттоқони радио ва телевизионро тамошо кардаву шунида, ҳамоно дар қалбаш муҳаббати наттоқ шудан ҷӯш мезад.

Ин буд, ки пас аз хатми муваффақонаи мактаби олӣ, моҳи январи соли 2013-ум нахуст ба Радиои «Пайванд» ҳамчун наттоқ ба кор қабул шуда, давоми чанд моҳ нерӯ ва малакаи хешро санҷид. Аз моҳи сентябри ҳамон сол ба ҳайси наттоқ дар Радиои «Замон» ба кор омад ва то оғози соли 2014-ум фаъолият кард.

20160301_123559

Инак, аз моҳи январи соли 2014-ум инҷониб ҳамчун наттоқ ва муҳаррири ҶДММ ШТРР «Тироз» ифои вазифа менамояд. Ба ҷузъ аз забони модарӣ, яъне тоҷикӣ, донандаи хуби забонҳои англисӣ, узбеки, русӣ ва араби мебошад.

Чун дар оилаи зиёӣ таваллуд шудаву ба камол расидааст, қабл аз ҳама нисбат ба атрофиён, бахусус шунавандагони радио хоксору меҳрубон мебошад. Чунин хислатҳои неки инсониро аз падари бузургвору мӯътабараш Рустамҷон Сулаймонов — омӯзгори фанҳои химия ва биология ва модари меҳрубону ғамхораш Саодатхон Қурбонова – омӯзгори фанни забони англисӣ омӯхтааст.

Ин аст, ки дар ҷомеаи меҳнатии Ширкати телевизион, радио ва рекламавии «Тироз»  аз Сарвари куллии ҶДММ ШТРР «Тироз» Х.А. Ӯлмасов то ба ҳамаи кормандони эҷодиву техникӣ Зарнигорро дӯст медоранд ва эҳтиром мекунанд. Зеро, вай худ ба ин замина гузоштааст, яъне дӯстдори ҳамагон мебошаду иззати ҳамкорону ҳамкасбонро ҳамеша ба ҷо меоварад.

Дар интиҳо ба Зарнигори Рустам барори кору сухани ширин, хомаи заррину маҳорати воло ва қабл аз ҳама, тансиҳативу сарбаландӣ таманно менамоем.

IMG_2518

Чун соли 2016 – соли 15-солагии таъсисёбии Радиои «Тироз» аст, дар симои ӯ бори дигар тамоми кормандони дирӯз ва имрӯзро табрик менамоем!    

                                                                                          Исломҷон Бобоев

 

 

НЕТ КОММЕНТАРИЕВ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.