Ифтитоҳи 124 корхонаи саноатӣ дар Суғд

0
239 просмотров

Тибқи нақша дар соли ҷорӣ ба истифода додани 170 корхонаву коргоҳҳои нави саноатӣ бо 5,3ҳазор ҷойҳои нави корӣ дар назар дошта шудааст.

Дар натиҷаи тадбирҳои андешидашуда давоми 9 моҳи соли равон дар вилоят 124 корхонаву коргоҳҳои нав бо 1,7 ҳазор ҷойҳои нави корӣ ба фаъолият шурӯъ намуданд. Корхонаҳои таъсисдодашуда асосан корхонаҳои соҳаи саноати масолеҳи сохтмон, хӯрокворӣ ва сабукро дарбар гирифта, барои таъмини бозори дохилӣ бо маҳсулоти истеҳсоли ватанӣ ва воридотивазкунанда  мусоидат менамоянд.

Бояд қайд кард, ки айни замон дар вилоят бунёди як қатор корхонаҳои калон аз ҷумла сохтмони корхонаи сементбарории “Ғаюр-семент” дар ноҳияи Бобоҷон Ғафуров барои 1500 ҷойи кории нав ва истеҳсоли 1,2 млн. тонна семент дар як сол, комбинати металургӣ дар шаҳри Истиқлол бо иқтидори коркарди 50 ҳазор тонна сурб ва 50 ҳазор тонна руҳ бо 1300 ҷойи корӣ ва «Нуқрафом» бо маром идома доранд.

Дар ин бора аз Хадамоти матбуоти Раиси вилояти Суғд хубур доданд

Нет комментариев

Также рекомендуем