Ифтитоҳи корхонаи пахтатозакунӣ дар ноҳияи Ашт

0
22 просмотров

Санаи 3 март дар ҷамоати деҳоти Ошобаи ноҳияи Ашт корхонаи нави саноатии ҷамъияти саҳомии пӯшидаи “Марҳамат” ба истифода дода шуд.

Тибқи иттилои сомонаи мақомоти иҷроияи ҳокимияти давлатии ноҳия дар расми ифтитоҳи ин корхонаи саноатӣ и.в раиси ноҳияи Ашт Зариф Мирдадо иштирок намуда, зимни суханронӣ иброз дошт, ки мақсад аз бунёди коргоҳҳои нави саноатӣ дар ҳудуди ноҳия, пеш аз ҳама таъмини сокинон бо ҷои кори доимӣ афзун намудани ҳаҷми истеҳсоли маҳсулот мебошад.

Ҷоиз ба таъкид аст, ки корхонаи пахтатозакуниро соҳибкори маҳаллӣ Расулҷон Хӯҷаназаров бо харҷи зиёда аз 1 миллион сомонӣ бунёд намудааст. Корхона метавонад дар  як шабонарӯз 300 тонна пахтаро коркард намояд. Дар корхонаи мазкур 40 нафар сокинони деҳаи Марҳамат бо ҷои кори доимӣ таъмин гардиданд.

Манбаъ: Хадамоти матбуоти Раиси вилояти Суғд

Нет комментариев

Также рекомендуем