Ҳифз ва барқароркунии ҷангалҳо

0
379 просмотров

Вазифаи асосии ҳифзи ҷангалҳо оқилона истифода бурдан ва барқароркунии онҳо, инчунин баланд бардоштани маҳсулнокии онҳо мебошад. Ҳифзи ҷангалҳо аз сӯхтор ва зараррасонҳо низ аҳамияти калон дорад. Роҳи дурусти беҳдошти хоҷагии ҷангал буридани такрорӣ баъди 80-100 сол аст, ки ҷангалҳо то ин маврид ба таври зарури пухта шаванд. Аз меъёр зиёдтар буридани ҷангалҳо ба он оварда мерасонад, ки онҳо қобилияти мутобиқи иқлимӣ ва обиро аз даст медиҳанд. Роҳи дигари ҳифзи ҷангалҳо мубориза барои оқилона истифода бурдани чӯбу тахта ва талафи он мебошад. Асосан чӯб дар вақти кашонидан ба воситаи нақлиётҳои гуногун ва об бештар талаф меёбад.

Барои ҳифзи захираҳои ҷангалӣ барқароркунӣ шарти муҳими ҷангалҳо мебошад. Аз 100% масоҳате, ки дар онҳо ҷангалҳо бурида мешаванд, фақат 50% аз нав барқарор мешаванд. Ба барқароршавии ҷангалҳо тоза кардани онҳо аз боқимондаҳои гуногунбарг, поя ва пӯстлох мусоид мекунад. дар барқароршавии ҷаегалҳо ва пешгирии онҳо аз хушкшавӣ шинонидани дарахту бутта ва киштиҳо, ки таркиби хокро мӯътадилу бой мегардонанд, аҳамияти калон дорад. Дар натиҷаи маҳсулнокии ҷангалҳо чанд маротиба зиёд хоҳад шуд, зеро аз баъзе намуди растаниҳо (нахӯд ва юнуҷка), ки дар байни қаторҳои дарахтон кишт карда мешаванд, моддаҳои органикӣ ҳосил мешаванд. Муайян шудааст, ки дар майдонҳои дарахтбурида барқароршавии табиии ҷангал суст аст. Бинобар ин баъд аз нарм кардани хок коштани тухми растаниҳо ё растаниҳои гармхона ба мақсад мувофиқ аст.

Бо ҳамин роҳ барқароршавӣ дар майдонҳои хушкшуда ва баъди сӯхтор сурат мегирад. Дар чунин майдонҳо навъҳои растаниҳо серҳосил ва навъҳои махсус шинонда мешаванд, ки назар ба дигар навъҳо инкишофи хеле тез ва мӯътадил дорад.

Нет комментариев

Также рекомендуем