Имрӯз вазиши боди сард ва боридани борон дар назар аст

0
774 просмотров

Имрӯз, 4 октябр дар ҷумҳурӣ ҳавои ноустувор, вазиши боди сард, дар баъзе минтақаҳо дар баландии 2500 метр боридани барф, пастшавии ҳарорати ҳаво ва ба амал омадани чангу ғубор дар назар аст. 4 октябр бо назардошти вазиши боди сард аз Ҷумҳурии Қазоқистон ба вилояти Суғд пастшавии ҳарорат ва ҳавои номусоид пешбинӣ карда мешавад. Вазиши сахти шамол аз самти шимолу ғарб ба 17-22 метр дар як сония расида, дар водиҳо пастшавии ҳарорат то 11-16 дараҷа дар назар аст.

Дар вилояти Хатлон обуҳавошиносони кишвар пастшавии ҳароратро пешгӯӣ менамоянд. Дар водиҳо ҳарорат рӯзона ба 20-25 дараҷа мерасад. Дар баъзе ноҳияҳои ин минтақа аз вазиши сахти бод чангу ғубор ба амал омада, дар доманкӯҳҳо бориши борон дар назар аст. Шамол аз самти ҷануб 12-17 метр дар як сония  мевазад.

Дар Вилояти Мухтори Кӯҳистони Бадахшон ҳавои абрӣ ва боронӣ пешгӯӣ шуда, шабона дар баландиҳои 2500 м барф меборад. Дар ғарби вилоят ҳарорат рӯзона 18-23 ва дар шарқи ҳамин вилоят 7-12 дараҷаро ташкил медиҳад. Дар ноҳияҳои тобеи марказ ҳавои тағйирёбандаи ноустувор шуда, дар баландиҳои 2500 м боридани барф, дар водиҳо пастшавии ҳарорати рӯзона ба назар мерасад.

Обуҳавошносон дар шаҳри Душанбе ҳавои абрӣ ва боридани борони кӯтоҳмуддатро пешбинӣ менамоянд. Шамол аз самти ғарб 3-8 метр дар як сония вазида, шабона 12-14  ва рӯзона 21-23 дараҷа гарм мешавад.

 

Манбаъ: сомонаи расмии АМИТ «Ховар»

Нет комментариев

Также рекомендуем

Шоколади сафед

Аксари  мардум истеъмоли шоколадро  дӯст  медоранд, зеро  таъми лазизу  ширини он  касро мафтун  месозад. Бахусус  шоколади  сафед, ки ранги ғайриоддиро  доро  мебошад, дилписанди ҳамагон  аст. ...