Имтиҳоноти донишҷӯёни ДДХ тариқи маркази тестӣ

7
177 просмотров

экзаменШуруъ аз 23 декабр дар Донигоҳи давлатии Хуҷанд (ДДХ) маъракаи имтиҳоноти ниҳоии донишҷӯён тариқи марказонидашуда дар биноҳои таълимии №1 ва №2-и Донишгоҳ оғоз гардид.

Бино ба иттилои Маркази иттилоот ва таҳлили Раёсати ДДХ, 5867 нафар донишҷӯёни Донишгоҳ аз 391 фанни таълимӣ дар 304 гурӯҳҳои академикӣ имтиҳон месупоранд. Дар маҷмӯъ давоми се ҳафта 28 ҳазору 933 имтиҳон ташкил ва гузаронида мешавад. Имтиҳони ниҳоӣ дар асоси ҷадвали аз тарафи Маркази тестӣ омодагардида дар биноҳои таълимии №1 ва 2-и Донишгоҳ дар ду баст сурат мегирад. Дар бинои таълимии №1 гуруҳҳои шартномавӣ ҷойгир карда шуда, макони супоридан имтиҳоноти ниҳоӣ барои донишҷӯёни гурӯҳҳои буҷавӣ дар бинои №2 муайян шудааст. Миқдори умумии синфхонахонаҳо дар макони имтиҳонсупорӣ 180 адад буда, 4988 ҷойи нишастро фаро мегирад.

Аз ҳар як фан се савол дода мешавад ва ҳар як донишҷӯ ба он тариқи хаттӣ ҷавоб менависад. Ҳамчунин гуфта мешавад, ки бархе имтиҳонот тариқи тестӣ ва ё ба шакли иншову диктант мувофиқи ихтисоси донишҷӯ гузаронида мешавад. Ҷавоби донишҷӯ бо рамзҳои махсус пинҳон дошташуда, аз тарафи омӯзгори мувофиқ (на дарсдиҳанда) тафтиш ва баҳогузорӣ карда мешавад. Ба пурсишномаи имтиҳон аз руйи низоми 5 балла баҳогузорӣ карда шуда, дар як вақт он ба низоми 180 бала мувофиқ ва ё худ баргардонида мешавад.

Ин намуди марказонидашудаи имтиҳонсупорӣ дар Донишгоҳи давлатии Хуҷанд бори аввал буда, чанд муқаррароти хешро дорад. Аз ҷумла, ба маҷмӯъи маводҳои имтиҳон варақаи ҳозиршавии донишҷӯ, саволҳои имтиҳон, ҷавобҳои имтиҳон ва сандуқи нигоҳдории ҷавобҳо дохил шудаанд. Ҷараёни супоридани имтиҳон аз тарафи деканҳои факулет, намояндаи Раёсати Донишгоҳ ва дигар нозирон назорат бурда мешавад. Дахолат ба раванди имтиҳонсупорӣ ва вайрон намудани талаботҳои Маркази тестӣ манъ карда шудааст.

Ҳар як донишҷӯ натиҷаи баҳои имтиҳонашро баъди ду шабонарӯз аз тахтаи эълони факултети таҳсил менамудааш огоҳ мешавад. Ҳамчунин тариқи сомонаи МБНК огоҳ карда мешавад.

Донишҷӯе, ки аз имтиҳон баҳои манфӣ гирифт, ҳуқуқ дорад, ки дар давраи сесияи хурд тариқи Маркази тестӣ онро аз нав супорад. Агар аз се имтиҳон баҳои манфӣ гирад, тибқи Низомномаи «Низоми кредитии таҳсилот» аз Донишгоҳ хориҷ карда мешавад.

Манбаъ: matrix-tv.tj

7 comments

  1. Shahnoza 28 Декабрь, 2014 at 14:14 Ответить

    Ман хам тарафдори он хастам,ки донишчуен имтихонотро бо тарики тести месупоранд.Ин хеле хуб аст.Но все равно найдется лазейка для того чтобы получить оценку)))))Это же Таджикистан)))

  2. manija 28 Декабрь, 2014 at 09:39 Ответить

    Хеле хуб шудки имтихонхо бо воситаи тест шуд ин барои шахсоне ки шароити хондан надоштан вале дониши хуб доштан кумак расонд.

  3. Фарход 27 Декабрь, 2014 at 12:14 Ответить

    Теперь там появится шанс для тех кто действительно хорошо учится сдавать все экзамены бесплатно.. А те кто уже привык давать взятки имеют 2 пути.. либо учится.. либо покупать кредиты “причем дорогие” и потом всеравно учится))

Опубликовать новый комментарий

Также рекомендуем