Имзои созишнома дар бораи сохтмони корхонаи «Кока-Кола» дар Тоҷикистон

2
382 просмотров

Дар Кумитаи давлатии сармоягузорӣ ва идораи амволи давлатии Ҷумҳурии кокаТоҷикистон маросими имзои созишномаи сармоягузорӣ байни Ҳукумати Ҷумҳурии Тоҷикистон ва Ширкати “Кока – Кола Ичечек А.С.” оид ба сохтмон ва истифодабарии корхонаи истеҳсоли маҳсулоти ғайримашруботӣ доир гардид. Бино ба иттилои хадамоти матбуоти Кумита, лоиҳаи сармоягузории мазкур дар ду давра татбиқ карда шуда, дар давраи аввали амалишавии лоиҳа ҳаҷми умумии сармоягузориҳо 30 млн. долл. ИМА ва дар давраи дуюм 20 млн. доллари ИМА-ро дарбар мегирад. «Баъд аз мавриди амал қарор гирифтани лоиҳа, зиёда аз 120 ҷойи нави кории мустақим ва то 500 ҷойи кории нави ғайримустақим ташкил карда шуда, иқтидори солонаи он 100 млн. литр маҳсулоти ғайримашруботиро ташкил медиҳад», — омадааст дар хабари Кумита. Қобили зикр аст, ки ширкати «Кока-Кола», ки бо тамғаи молии «Кока-Кола» маҳсулот истеҳсол мекунад, яке аз ташкилотҳои маъруф ва пуриқдори истеҳсолии ҷаҳонӣ буда, маҳсулоти тавлиднамудаи он бозорҳои зиёда аз 200 кишвари ҷаҳонро фаро гирифта, ба ҳисоби миёна 1 рӯз дар ҷаҳон зиёда аз 1 млрд. воҳид маҳсулоти ширкати «Кока-Кола» ба фурӯш меравад. Дар ин бора news.tj хабар медиҳад.

2 comments

Опубликовать новый комментарий

Также рекомендуем