Интеллекти сунъӣ ба қаҳрамонҳои компютерӣ роҳ рафтан, давидан ва ҳатто футболбозиро меомӯзад

0
215 просмотров

Интеллекти  сунъӣ ин шабакаҳои нейронӣ бо функтсияи омӯзониши мошинӣ мебошад, ки аллакай кайҳо боз мустақилона бе ёрдами бегона ёд гирифтани чизҳои гуногунро омӯхтааст. Вале, мутобиқи хабари Techxplore, гурӯҳи тадқиқотчиён интеллекти  сунъиро маҷбур карданд, ки  дар намуди «устод» баромад кунад. Барои ин, онҳо ба моделҳои компютерии офаридаашон давидан, роҳ рафтан,  футболбозӣ карда тавонистан ва аз мушкиливу монеаҳо гузашта тавонистанро дар асоси таҷрибаи аз сар гузаронидаи худашон омӯзониданд.

Алгоритми нав DeepLoco ном гирифт, ки онро чун роҳи алтернативии офаридани аниматсияи ҳаракат дар бозиҳо ва филмҳо истифода бурдан мумкин аст. Ҳоло аниматсиякунонии қаҳрамонҳои компютерӣ дастӣ ё бо воситаи ҳаракатҳои пешакӣ сабт кардаи актёрон иҷро карда мешавад. DeepLoco бошад, ба каҳрамонҳои компютерӣ имкон медиҳад, ки онҳо дар шакли автоматӣ ба ҷойи лозим ворид карда шаванд, то ки ҳаракати онҳо нисбатан воқеӣ ба назар намояд ва ба муҳити қаҳрамонҳоро иҳотакунанда мувофиқат карда тавонад. Дар рафти омӯзониш қаҳрамонҳо тавассути санҷишу хатогиҳо, бо коркард намудани модели беҳтарин барои ҳар як ҳолати амиқ, ба худ таҷриба мегиранд.

Масалан, аллакай аз ҳозир карамонҳо дар роҳрави танг роҳ гаштан, бо чизҳои харакаткунанда барнахӯрдан ва ҳатто  задани тӯби футболро омӯхтанд. Бовуҷуди ин, мувофиқи суханони офарандагон  алгоритм  ба моделҳои компютери танҳо бо омӯзониш кор маҳдуд намешавад. DeepLoco-ро инчунин омӯзонидани роботҳои ду а ё чорпоя истифода бурдан мумкин аст. Истифодабарии раванди «омӯзиши мустақилона»  ба роботҳо барои бидуни роҳандозии аниқи дастӣ ҳаракат кардан имкон медиҳад. Чуноне, ки муаллифи лоиҳа Мишел ван де Панн мегӯяд,  «Мо модели одамонеро месозем, ки зуд ва бо осонӣ ҳаракат кардан ва ба муҳити атроф мутобиқ буданро меомӯзанд. Мо каҳрамонҳои компютериро барои ба ҳолат таъсир расонидану бо баробари ин  бо даст нишон надодани чиз, идора кардани вазн ё тавассути монеаи ҳаракаткунанда ба нақша нагирифтани роҳ меомӯзонем. Ҳамаи инро модел худ меомӯзад.

Нет комментариев

Также рекомендуем