Интиқоли барқ ба минтақаҳо 5 соат зиёдтар шуд

0
700 просмотров

Ба минтақаҳои кишвар, ки дар онҳо аз моҳи октябр реҷаи маҳдуди истифодаи нерӯи барқ ҷорӣ аст, аз 14 декабр интиқоли барқ боз 1 соат зиёд шуд.

Қаблан санаи 9 декабр ширкати «Барқи тоҷик» изҳор дошта буд, ки ба туфайли мавриди истифода қарор гирифтани навбати дуюми Маркази барқу гармидиҳии Душанбе-2, интиқоли барқ ба минтақаҳо 3 соат зиёдтар карда мешавад. Рӯзи 12 декабр интиқоли барқ боз 1 соати дигар зиёд шуд.

Ҳамин тариқ, нисбат ба давраи аввали ҷорӣ шудани лимит, айни замон вақти интиқоли барқ ба аҳолии минтақаҳои Тоҷикистон 5 соат зиёд карда шуд. Акнун ҳамаи минтақаҳои кишвар пагоҳӣ аз соати 05-00 то 11-00 ва бегоҳӣ аз соати 16-00 то 22-00 (12 соат) нерӯи барқ мегиранд.

bar-i-to-ik

Ҳамчунин тавре аз ширкати «Барқи тоҷик» иттилоъ доданд, санаи 22 декабр тамоми шабакаҳои телевизиони ҷумҳурӣ ироаи Паёми навбатии Президенти мамлакат Эмомалӣ Раҳмонро ба парлумони Тоҷикистон мустақиман намоиш медиҳанд. «Дар ин рӯз аз соати 6-и субҳ то 14-и рӯз интиқоли барқ дар саросари кишвар таъмин шуда, минбаъд боз тибқи реҷаи муқарраршуда сурат мегирад», — гуфтанд дар ширкат.

Ширкати «Барқи Тоҷик» аз муштариён хоҳиш намудааст, ки аз барқ сарфакорона истифода бурда, ҳаққи истифодаи неруи барқро саривақт пардохт намоянд.

Вобаста ба риоя нашудани таъминоти барқ ва садамаҳо ҳар як муштарӣ метавонад тавассути телефонҳои боварӣ бо ширкат дар тамос шавад. Телефонҳои боварии ШСХК «Барқи Тоҷик»: 235-86-74; 235 86 84; 610-60-50; 295-202.

Манбаъ: news.tj

Нет комментариев

Также рекомендуем

РФ не согласилась ни на одно предложение Украины

Выполнение блока вопросов, связанных с безопасностью, Минских соглашений – безоговорочный путь для установления полноценного и всеобъемлющего мира на Донбассе. Украинская сторона рассчитывает на прогресс в ...
%d такие блоггеры, как:

Сообщить об опечатке

Текст, который будет отправлен нашим редакторам: