Интихоб ва истифодабарии турбтароши металлии чортарафа

0
390 просмотров

Ҳанӯз дар замонҳои қадим одамон фаҳмида буданд, ки маводи хӯроквории майдакардашуда тезтар мепазад. Ба сифати турбтарошҳои аввалин сангҳои гуногунҳаҷм ва теғҳои тези дарахтон истифода мешуданд.

Аввалин маълумот оид ба турбтароши муосир дар намоиши соли 1901-ум, ки дар шаҳри Буффало гузаронида шуда буд, дастрас шудааст. Дар соли 1956-ум сокини Олмон Алфред Бернер турбтароши навро ихтироъ намуд, ки бо воситаи он меваю сабзавотро бо шаклҳои гуногун реза кардан мумкин буд.

Имрӯзҳо Шумо метавонед дар бозору мағозаҳо турбтарошҳои металлии ба табъи худ мувофиқро интихоб намоед. Онҳоро ширкатҳои Никис, Факелман, Мултидом, Элсе, Хоум Куин, Вива истеҳсол мекунанд. Онҳо сифати хуб дошта, ба талаботи стандартӣ мувофиқат мекунанд ва нархи гарон ҳам надоранд. Дар истифода хеле қулай ҳастанд. Турбтароши металлии чортарафаро ба рӯйи ягон зарф гузошта, меваю сабзавоти дилхоҳро тарошидан осонтар аст.

Ҳангоми харидори намудани турбтароши металлии чортарафа ҳатман ба теғҳои дандонаҳояш аҳамият диҳед. Онҳо бояд, ки  тез бошанд. Дар вақти истифода бурдан ҳатман ба қоидаҳои бехатарӣ риоя кунед, аз ҷумла, ба гап овора нашавед, то ки панҷаҳои Шумо осеб набинанд.

Агар  бо мурури замон баъди чанд маротиба истифода бурдан,  турбтарош занг занад, пас маълум мегардад, ки онро аз маводи бесифат истеҳсол намудаанд. Дар хотир доред, ки чунин турбтарошро истифода бурдан мумкин нест.

Бо воситаи турбтарош Шумо метавонед хуришҳои гуногуни болаззатро тайёр кунед, ки дар фасли сармо ба саломатиатон  фоидаовар   ҳастанд.

Ин буд чанд маслиҳат оид ба интихоб ва истифодабарии турбтароши металлии чортарафа. Агар онҳо ба Шумо каме бошад ҳам манфиат оваранд, мо хушҳол мегардем.

Зарнигори Рустам.

Нет комментариев

Также рекомендуем

Японец остался жить в опасной зоне, чтобы кормить брошенных животных

Наото Мацумура — обычный японский фермер. Правда, он единственный человек, проживающий в городе Томиока, находящемся всего в 9,5 км от АЭС «Фукусима-1». После катастрофы 2011 года более 150 тысяч человек были ...