Интихоби дурусти либос

0
1 794 просмотров

Мегӯянд, ки бо ягон кас оиди ранг ва табъ  бахс намудан лозим нест.  Равоншиносон мегӯянд, либосе, ки мо ба бар мекунем, бисёр чӣ гунагии шахсияти моро ифода карда метавонистааст. Аз рӯи ранги либос оиди саломатӣ, тафакур ва хислати инсонӣ хулоса баровардани мумкин будааст. Он хислате, ки мо дар ботини худ тарбия мекунем, дар ранги либоси мо таҷассум меёфтааст. Бархе касон ранги либоси худро аз рӯи ранги чашмон, ранги пуст ва муй интихоб мекунанд. Мутахассис  оид ба интихоби ранги либос Йоханнес Литтени олмонӣ одамонро ба ду гурӯҳ аз рӯи орбуранги табиӣ ба мавсимӣ ҷудо кардааст. Баҳор ва тобистон, инчунин тирамоҳ ва зимистон. Аз ин Шумо метавонед муайян созед, ки ба кадом фасли сол тааллуқ доред. Масалан, одамони баҳорӣ одатан ранги пусташон гулобӣ ва сабзина мешаванд ё чашмони кабуд ва ё сабз доранд. Ин гунна одамон муйҳои тилоранги тобон ва ё ҷигарранг доранд. Ба ин тоифа одамон либосҳои равшан, гулобиранг, сабзтоби равшан ва ё зардчатоб хос аст.

Одамони тобистона бошанд, ранги пусти сафед доранду ранги чашмонашон кабути равшан  аст. Ба ин гуна шахсон  ранги либоси кабуд ва гулобӣ хос аст. Ҷилои одамони тирамоҳӣ шабеҳи ин фасл ҳастанд, яъне ҷигарранг ва тиллоранг. Одамоне, ки бештар либоси осмонранг ба бар мекунанд, эҳсосӣ ва дорои тахаюлоти рангин ҳастанд. Шахсоне, ки ранги либоси нилобӣ мепӯшанд, мустақил ва соҳибхирад ҳастанд. Ин зумра одамон ҳамеша ба оромӣ кӯшиш доранд.

Ранги зард хоси шахсиятҳои наҷиб аст. Ин гуна одамон тарзи ҳаёти фаъолона доранд. Инҳо асосан одамоне ҳастанд, ки ҳамеша хушбахтиро чустуҷӯ доранд ва ҳамеша дар мадди назар қарор доранд.

Шахсоне, ки ба ранги сурх иштиёқ доранд, одамоне ҳастанд, ки зуд ба шур меоянд ва хеле мағруранд. Ин сифатҳо ба лидерон хос аст.

Шумо ба кадом намуди ин ашхосон шомил ҳастед, худ муайян созед ва дар интихоби ранги либос ба худ роҳнамое пайдо мекунед. Баъди аз кор баргаштан, даррав ба иҷрои корҳои хона напардозед.

Зарнигори Рустам.

Нет комментариев

Также рекомендуем