Интихоби дурусти телефони мобили

1
954 просмотров

Ду ҷиҳати асосӣ, ки мо ҳангоми интихоби телефони мобилӣ эътибор медиҳем: ин арзиш ва вазифаҳои дастгоҳи харидоришаванда мебошад.

Имрӯз бозори телефонҳои мобилӣ, бо фарохӣ ва пешниҳоди навъҳои мухталиф, аз ҳама муҳим номгӯи нархномаҳо касро дар ҳайрат мегузорад.  Дар бозор метавон моделҳои ултрабуҷавиро бо нархи 1000…2000 рубл, инчунин дастгоҳҳои тарҳҳои истисноиро, ки 100 000 рубл арзиш доранд, пайдо намуд. Аммо маҳсулоти асосии аксарияти истеҳсолкунандагони таҷҳизоти мобилӣ, албатта бо нархи аз 3000 то 20000 рубл пешкаш гардидааст. Ҳамин тавр, вобаста ба он ки чӣ қадар маблағро шумо барои харидорӣ намудани телефони мобилӣ харҷ кардан мехоҳед, мо оид ба вазифаҳои ин гаҷетҳо бароятон маълумот пешниҳод месозем.

original

Шумо мехоҳед ба наздикону пайвандонатон телефони мобилӣ тӯҳфа кунед ва ё барои худатон харидорӣ кунед, пас бидонед, ки чӣ тавр соҳиби оянда онро истифода мебарад, яъне телефон дорои чӣ гуна вазифаҳо бояд бошад. Батафсил дида мебароем, ки ба кадом гурўҳҳои вазифавӣ метавон ҳамаи таҷҳизоти мобилиро тақсим намуд.

Телефони муқаррарӣ- ин телефонест, ки танҳо вазифаи ба зангҳо ҷавоб доданро дошта, инчунин дорои баъзе хусусиятҳои пешрафта, ба монанди кушодани интернет, мавҷудияти дафтарчаи қайдҳо мебошад. Гарчанде чунин имкониятҳо дар он дида шавад ҳам, бо сабаби экрани хурд доштан ва норасоии хотира, истифодабарии он  на ба ҳамаи корбарон қулай аст. Чунин телефонҳои мобилӣ 3000-6000 рубл арзиш доранд. Ин намуди телефонҳо, ба одамони миёнасол ва калонсол, ки ба хусусиятҳои нодиру пешрафта ниёз надоранд, пешбинӣ шудааст. Истеҳсолкунандагони асосии ин навъҳо, ширкатҳои Nokia, LG, Samsung маҳсуб меёбанд.

1_27339671254395efeee310

Телефони буҷавӣ-ин як телефони муқаррарие мебошад, ки арзиши начандон баланд дорад, яъне нархи он аз  1000 то 3000 рублро ташкил медиҳад. Чунин телефон барои нафароне, ки мехоҳанд маблағи худро ҳангоми харидории телефон сарфа кунанд, пешбинӣ шудааст. Бояд гуфт, ки ҳангоми интихоби ин гурӯҳи телефон, бояд ба чунин истеҳсолкунандагон: Fly, Alcatel, Texet таваҷҷӯҳ зоҳир кунем.

Телефони мултимедиявӣ – ин телефон, одатан экрани калон дошта, барои истифода бурдани интернет хеле мувофиқ аст.  Он дорои хусусиятҳои нодир буда, инчунин дар он камераи наворгирию аксгирӣ ва як қатор пайвасткунакҳо барои пайвастшавӣ ба дастгоҳҳои канорӣ ё гушмонакҳо мавҷуд аст. Одатан, чунин телефонҳо, смартфонҳо дониста шуда, дорои як навъ системаи оператсионӣ мебошанд, онҳо метавонанд барномаҳои мухталифро, ба монанди бозиҳо, (закачивать)боргузории мусиқӣ ё видеофайлҳо, пайваст шудан аз телефон ба компютер ва ғайраро иҷро кунанд. Ҳоло дар бозор талабот ба ин гурӯҳи телефонҳо бештар аст, аз ин лиҳоз он дар доираи хеле васеъ пешкаши харидорон  мегардад. Дар бозор дастгоҳи мазкур аз 5000 то 25000 рубл арзиш доранд. Гурӯҳи асосии истифодабарандагони чунин таҷҳизотро, ҷавонон ва одамони синни миёнаи аз ҷиҳати технологӣ пешрафта ташкил медиҳанд. Воқеан, ҳамаи истеҳсолкунандагони телефонҳои мобилӣ, ин навъи телефонро пешниҳод мекунанд. Дастгоҳҳои пешрафтаи : iPhone, HTC, LG, Samsung, SonyEricsson,Motorolla ва истеҳсолкунандагони чинии Huawei, ZTE –ро мисол меорем, ки силоҳи асосиашон баҳои андак баланд маҳсуб меёбад.

p6PrZ21I

Бизнес телефон –дар ин дастгоҳ барномаҳои махсус, барои иҷрои вазифаҳои гуногуни соҳибкорӣ ҷойгир кунонида шуданд. Ҳамчунин телефон дорои тугмаи QWERTY мебошад, ки барои осон гаштани кори соҳибкор мусоидат мекунад. Шумораи зиёди чунин мобилиҳоро, метавон аз ширкатҳои пешрафтаи Nokia ва Blackberry дастрас намуд. Нархи чунин моделҳо одатан аз 7000 то 15000 рублро ташкил медиҳанд.

Телефонҳои имиҷӣ— ин телефон бо маҳсулоти қимматбаҳо сохта шуда, дорои тарҳи истисноӣ мебошад ва он одатан бо шумораи маҳдуд истеҳсол мешавад. Ин телефон барои мардуми сарватманд, ки аслан дастгоҳ барои онҳо ҳамчун воситаи намоиш додани дороиву сарват хизмат мерасонад, пешбинӣ шудааст. Ба ғайр аз вазифаи даъват (занги телефонӣ)-ро иҷро намудан, дастгоҳ ҳамчунин бояд соҳибашро аз дигар мардуми оддӣ ҷудо созад. Нархи ин намуди дастгоҳҳо  аз 20000 рубл оғоз меёбад. Ба гурӯҳи чунин дастгоҳҳо метавонанд, iPhone, телефонҳои тамғаи Gresso, Vertu ва инчунин тарҳҳои тағйирёфтаи телефонҳои навъҳои гуногун дохил шаванд.

1 comment

Опубликовать новый комментарий

Также рекомендуем