Интихоби дурусти тушбераи яхкардашуда

0
714 просмотров

Хушбахтона мо имрӯз аз нуқтаҳои фурӯши маҳсулоти хӯрока «Тушбера»-ро низ харидорӣ карда метавонем. Ин пеш аз ҳама кори кадбонуро осон менамояд. Аз тарафи дигар тушбера таоми лазизу писандида мебошад. Аз ҳамин лиҳоз бештари бонувон, ки  коргар ҳастанд, зуд-зуд тушбера мепазанд ва аз тушбераи хоми тайёркардашуда харидорӣ менамоянд.  Барои онҳое, ки тушбераро дӯст медоранд, чунин маслиҳат додани ҳастем:

Дар дохили тушбера мавҷудияти ҳама гуна маҳсулот ва ё консервантҳо аз эҳтимол дур нест.  Яъне ҳангоми харидани тушбера мо бо боварии комил гуфта наметавонем, ки дар ниҳоди он чи нуҳуфта аст.  Вай метавонад аз навъҳои гуногуни қимма, ҳар гуна равганҳо, консервантҳо ва чизҳои дигар иборат бошад. Ба сифати маҳсулоти пурракунандаи тушбера бештар маҳсулотҳои гӯштӣ ва равғани ҳайвонро истифода мебаранд.  Чунин тушбераи серравған бераҳмона ба саломатии инсон ҳуҷум мекунад.

Аҷибаш он аст, ки табибон сафедаи растаниро маҳсулоти иловакунандаи безарар барои тушбера меҳисобанд. Ҳамчунин сафедаи растанӣ қиммаро сершираву ботароват месозад ва калорияи маҳсулотро паст менамояд. Фақат бояд ба он аҳамият дод, ки дар рӯйхати таркиби тушбера  сафедаи растанӣ мақоми охиронро ишғол карда бошад, яъне дар охир қайд шуда бошад.  Ин ишора бар он аст, ки дар таркиби бурак ё худ тушбера гӯшт бисёртар аст.  Ҳаминро қайд кардан зарур аст, ки вазни холиси фарш бояд 50 фисади вазни тушбераро ташкил диҳад.  Маҳсулоти дохили тушбера, яъне қимма, ки бештар мардум онро фарш мегӯянд, бояд тобиши хокистарӣ дошта бошад.

Тушбераи аз орди навъи аъло тайёркардашуда ранги сафедро доро мебошад. Хуб мешуд, агар тушбера андак зардчатоб бошад. Ин аз он шаҳодат медиҳад, ки хамири тушбера аз навъи орди сахт тайёр карда шудааст. Дар чунин навъи орд сафеда ва витаминҳои дигар зиёдтар аст ва печонидани хамири тушбера осонтар мебошад.  Тушбераҳои печутобдодашударо харидорӣ кунед, авлотар аст, зеро ин гуна тушбара баъди ҷӯшонидан  намуди худро гум намекунад.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: