Интихоби катчаи кӯдакона

0
2 просмотров

Одатан катчаро барои навзод то таваллуд шудани ӯ мехаранд. Бисёрии волидони ҷавон диққати худро ба намуди зоҳирии он медиҳанд. Ин фаҳмидани аст, зеро аз рӯзҳои аввал кӯдак бояд дар иҳотаи чизҳои зебо бошад, зеро ин барои пайдо гаштани завқи баланд мусоидат мекунад ва ин як зарраи тарбияи эстетикӣ мебошад. Фаҳмиши ҳамагон нисбати зебоӣ гуногун аст. Аммо волидон шефтаи рангҳои аҷоиби катча гашта бехабар аз сифати он маблағҳои калон мепардозанд. Ақалан намепурсанд, ки ин катчаи олиҷаноб аз чӣ омода шудааст. Дар интихоби катча танҳо намуди зоҳирии он нақш намебозад, балки чизҳои дигари зарурро бояд ба назар гирифт. Катчаи хоб гуё бояд, ки нафас кашад. Вақте ки ба мағоза ворид мешавед, аз навҳои гуногуни он дар ҳайрат мемонед ва чӣ харидани худро низ ҳатто фаромӯш мекунед. Анвои катчаҳо гуногун аст:  гаҳвора барои навзодон, катча-хонаҳои болопӯшдор, катчаҳо бо нигориши меъёри аврупоӣ, ки ранги сафед доранд, инчунин маҳсулотҳои оддитар низ ҳастанд. Ягон чизро зери таъсири таассуроти аввала харидорӣ накунед. Ҷиҳати иқтисодии худро ба назар гиред ва азназаргузарониро оғоз намоед. Фурӯшандагон ҳамеша моли қимматро таъриф мекунанд, аммо нарх нишондиҳандаи сифат нест. Пеш аз ҳама ба маҳсулоте, ки аз он катча сохта шудааст, диққат диҳед. Аз ҳама беҳтарин интихоб ин чӯби табиӣ мебошад.

Чӯб-маҳсулоти аз ҷиҳати экологӣ тоза, он худаш нафас мекашад ва шароит фароҳам меорад, ки дигарон низ нафас кашанд. Чӯбро дар тозагӣ нигоҳ доштан хеле осон аст. Фикр накунед, ки аз назари аввал шумо метавонед маҳсулотеро, ки аз он ин ё он катча сохта шудааст, муайян карда метавонед. Шумо бемуҳобот метавонед пластик ва ё полистироли зарбатобоварро чӯб фикр кунед. Боке нест, агар баъзе қисматҳои катча аз маводи ғайричӯб сохта шуда бошанд, муҳим он аст, ки он зиёд набошад ва барои кӯдак зараре нарасонад. Вақти харидори намудани катча аз фурӯшанда сертификати гигиениро талаб намоед. Дар он бояд безарарӣ ва номи маҳсулоти истифодагашта нишон дода шуда бошад. Баъзеҳо фикр мекунанд, ки танҳо дар хориҷа катчаҳои аз маводи табиӣ сохташударо истеҳсол мекунанд, аммо ин чунин нест. Коргоҳҳои ватанӣ низ хелҳои зиёди катчаҳои чӯбиро истеҳсол мекунанд.

 

Нет комментариев

Также рекомендуем

Маълумотҳои аҷиб оиди хуришҳо

Хӯрок дар баробари сер кардани инсон бояд ба саломатиаш ҳам фоида  расонад. Агар шумо ҳар рӯз маҳсулоти зеринро истеъмол намоед, кафолати саломатии хубатон мешавад. Йогурт. ...