Интихоби тарбузро ба дӯши фурӯшанда нагузоред

0
536 просмотров

Баробари вориди бозор шудан ва дидани тарбуз ҳар яки мо назди он мешитобем, вале дар интихоб баъзан душворӣ мекашем. Барои бартараф намудани ин гуна душворӣ дар поён якчанд маслиҳатеро пешниҳод менамоем, ки дар интихоби дурусти тарбуз ба шумо кӯмак мекунанд.

— Пеш аз ҳама дар интихоби тарбуз шитоб накунед. Одатан тарбузҳои болаззатро охирҳои моҳи август ва аввалҳои моҳи сентябр дастрас кардан мумкин аст. Зеро дар ин вақт бо боварии комил гуфта метавонед, ки ин тарбузҳо бе илова кардани селитр пухта расидаанд.

— Ҳаргиз интихоби тарбузро ба дӯши фурӯшанда нагузоред. Вазифаи фурӯшанда фурӯхтани молаш аст ва маълум нест, ки ӯ ба шумо чӣ гуна тарбузро интихоб карда медиҳад. Албатта, ин боз аз виҷдони ҳар яки мо вобаста аст, вале на ҳамаро виҷдонаш барои кори нодуруст кардааш азоб медиҳад.

— Агар болои пӯсти тарбуз хокаи сафед пайдо бошад, беҳтараш онро нахаред. Дар миёни тарбуз ягон нуқтачаи пӯсидаро ба чашм расад, дониста монед, ки ба он селитраро бо сӯзандору гузаронидаанд. Дар сурати дар тани тарбуз ба чашм расидани кафидагӣ, фурӯрафта ва дигар зарбаҳо аз харидан худдорӣ кунед.

— Ранги думчаи тарбуз зардчатоб ва каме хушк бояд бошад. Ин маънои онро дорад, ки тарбуз аллакай ба қавле «пир» аст. Агар думчааш канда шуда бошад, фурӯшандаҳо камбудиҳои моли худро аз шумо пинҳон карда истодаанд, барои ҳамин онро як тараф гузошта, дигарашро интихоб намоед.

— Агар дар тани тарбуз доғи начандон калони зардчатоб бошад, ин маънои онро дорад, ки тарбуз худаш пухта расидааст. Агар доғ калонтар бошад, пас дониста монед, ки нури офтоб кам расидааст. Таъми ин гуна тарбуз аллакай дигар аст, обаш зиёдтару шириниаш камтар мешавад.

— Тарбузи пухта бо задани шаппотӣ садои баланд мебарорад, вале ҳангоми задан ба эҳсосот дода нашавед, зеро тарбузи хуб пухтагӣ кафиданаш мумкин. Агар тарбуз хом бошад, садояш пасттар мебарояд.

— Ҳаргиз тарбузҳои калонҳаҷм нахаред. Агар шумо ҳамроҳи дӯстон ва ҳамкорон ба ҷое ба истроҳат рафта истода бошед, ба ҷойи як тарбузи калон беҳтараш якчанд тарбузи майдатар гиред.

— Тарбузро пас аз харидан метавонед бо собун шуста, бо оби гарм чайқонед. Ҳангоми шустани тарбуз то чӣ андоза пухта будани онро муайян кардан мумкин аст. Агар тарбуз даруни об ғӯтида равад, донед, ки тарбуз хом аст, агар рӯйи об барояд, пас пухтагӣ аст. Баробари корд задан тарбузи пухта мекафад. Ранги донакҳояш қаҳваранги сиёҳчатоб аст.

 

Нет комментариев

Также рекомендуем

Компьютерный магазин «ЗАМОН»

Нужен  надежный компьютер, ноутбук? Порадовать себя планшетом? Магазин «ЗАМОН» — Выбирайте! Покупайте! Доверяйте!   У нас Вы сможете приобрести превосходные по качеству  и цене — ...