Интихоби «Велосипед»-у «Ролик

0
337 просмотров

Тавре мо медонем, нафаре мошинронӣ, нафари дигар, аспсаворӣ ва гурӯҳе велосипедронию конкирониро дар фасли тобистон дӯст медоранд. Албатта, шуғли инсон гуногун аст ва ҳар кас онро мувофиқи табъи хеш интихоб менамояд. Бахши имрӯзаи мо бошад, махсусан барои он шахсоне, ки ба велосипедронию конкиронӣ машғул ҳастанд, ё мехоҳанд машғул шаванд пешбинӣ шудааст. Инак чанд маслиҳати мо барои интихоби велосипед:

Агар ром ё худ чорчӯбаи  ароба аз карбон сохта шуда бошад, ин намуди нақлиёт ба шумо танҳо дар муддати кӯтоҳ хизмат карда метавонаду халос. Ин намуд масолеҳи зудшикан ва нафисро шумо метавонед, аз хати рах-рахи ба худ хос доштани он пай бурда бошед ва бевосита фарқ кунед. Роми  аз пӯлод сохташуда пурдошт ва  боэътимод мебошад. Лекин ба инобат гиред: пӯлод велосипедро то 20 кило ва зиёда аз он вазнинтар мекунад. Роми сабук, ки аз алюминий сохташудааст, ҳатман бояд аз хулаи маъдан иборат мебошад. Нишонаи асосии ин намуд ром рақамҳои 7005  ё  6061 мебошад. Яъне дучархаи чунин аломатро доро буда, нисбатан қулай ва муносиб аст.

Барои ҳаракат ва равуои муносиб курсии аз полимер сохташударо интихоб намоед. Дар интихоб муҳим он аст, ки баланд ва паст кардани курси танзимшаванда бошад. Зеро давр занонидани чархаи ароба дар ҳоле, қулай ва осон мегардад, агар диаметри он 28 дюймро ташкил диҳад ва чанбараки он аз ду қабат иборат бошад.

Ҳар қадар, ки роҳ ноҳамвор бошад, ҳамон қадар протектори он бояд релеф дошта бошад. Ба фишори чархҳо диққат диҳед. Агар вай аз се атмосфера камтар бошад, зуд-зуд шикофшавии он кафолат дода мешавад. Варианти беҳтарин ва мувофиқ ин интихоби велосипеди чархҳояш чор атмосферадошта мебошад.

Зуд рондани велосипедро дӯст медоред?

Пас ҳатман равону муназзам ист карданро омӯзед! Агар тормози аробаи шумо чанбарӣ бошад, пас, чунин амалро иҷро кардан мушкил аст.  Бехатарии 100 фоизаро ба шумо дар ин маврид тормозҳои мудаввар ё худ доирашакл кафолат дода метавонад.

Имрӯзҳо ба мардуми сокини Хуҷандшаҳр хусусан кӯдакон одат шудааст, ки бегоҳӣ ҳангоми истироҳат ва сайругашти оилавӣ, дар майдони ситораҳо ба конкиронӣ машғул шаванд.  Аммо баъзан ҳангоми конкиронӣ даст ё пой кӯдагон ҷароҳат мебардорад. Ин агар аз як тараф ба беэҳтиётии кӯдак вобаста бошад, аз тарафи дигар ба интихоби конкӣ алоқамандӣ дорад.  Бинобар ҳамин мо тасмим гирифтем, ки дар бахши имрӯза оид ба конкии  ғилдиракдор низ якчанд маслиҳатҳои хешро арзонӣ медорем.

Мутаваҷҷеҳ бошед:

 Пайвасти қавӣ ва ҳаракати беовозро метавонад танҳо чархҳои аз полиуретан сохташуда, таъмин намояд. Муҳим мустаҳкамиву устувории онро аз назар гузаронидан аст. Ҳар кадар, ки роҳ ноҳамвор бошад, хамон қадар чархҳо бояд мулоим бошанд. Аз рӯи шкалаи сахтии «А» варианти муносибтару мувофиқтар барои асфалти шаҳр 80 воҳид пешбинӣ шудааст.  Ба роме, ки ба он чархҳо васл мешаванд, ҳатман диққат диҳед. Агар роми он аз пластмасса сохта шуда бошад, барои тез ҳаракат кардан аз шахс қувваи бисёр талаб мекунад. Барои зуд рондани конкӣ, конкии ромаш аз алюминий сохташударо, интихоб кунед. Зеро он назар ба конки ромаш аз пластмасса сохташуда зиёдтар хизмат мекунад.

Барои шахсони навёдгир маслиҳати мо чунин аст: Ҳатман пойафзолҳои пластикиро интихоб намоед. Ин гуна пойафзол барои ҳимояи пой беҳтар мусоидат менамояд, зеро, ки аз ҳаракат боздоштани он нисбатан осонтар аст.  Аммо чунин намуд пойафзол барои нафасгирии пой чандон муносиб нест. Конкиронҳои моҳир метавонанд пойафзоли мулоимро интихоб намоянд. Лекин агар он ҳам аз масолеҳи сунъӣ сохта шуда бошад, хуб мешуд конкиҳои аз  тӯрхалта иборат бударо ҷустуҷӯ ва дарёфт намоед.

Нет комментариев

Также рекомендуем

В Астрахани торжественно открыли первый в России памятник Омару Хайяму

В Астрахани губернатор Астраханской области Александр Жилкин вместе с генерал-губернатором иранской провинции Гилян Мохаммадом Али Наджафи торжественно открыли памятник выдающемуся персидскому поэту, философу, учёному Омару ...