iPhone 2G- баъд аз 8 сол. Аввалин смартфони Apple чиро метавонист?

1
523 просмотров

8 сол муқаддам ҳамсосгузори ширкати Apple Стив Ҷобс ба оламиён смартфони сенсории iPhone-ро пешниҳод кард. Он замон таҷҳизоти ширкати Купертино басо шавқовар буд. То пайдо шудани iPhone дар бозори таҷҳизоти мобилӣ смартфонҳо басо калон ва аз ду қисм-экран ва клавиатура иборат буданд. Воқеан ҳам дар аксар ҳолатҳо таносуб 1:1 буд.

http://yablyk.com/

Ҳатто, ба мавҷуд будани имконияти дидани интернет-контент истифодабарандагон наметавонистанд шакли пурраи веб-сайтҳоро кушоянд. Бинобар ин ҳам, ширкатҳо маҷбур буданд, шакли оддии – таҷҳизоти оддии мобилиро фикр карда бароянд.

Аммо, ин ҳама то пайдо шудани iPhone буд, ки вазъи амволро дар бозори смартфон тағйир дод. Қайд кардан бамаврид аст, ки аз рўи меъёрҳои замони муосир аввалин iPhone гаҷети ниҳоятан содда бо бисёр маҳдудиятҳои барномавию таҷҳизотӣ буд.

Тавре мо дар сурати боло мебинем, iPhone назар ба смартфонҳои он замон хеле зебо менамуд.

http://yablyk.com/

На 3G буду на LTE

Аввалин смарфтони Apple ҳатто дастгирикунандаи 3G –ро надошт. Бо усусли садӣ ирсоли маълумот танҳо тавассути стандарти EDGE ё 2G мумкин буд, ки ниҳоятан суст кор мекард.

 App Store ва замимаҳои маъруф вуҷуд надошт

8 сол муқаддам App Store набуд. Аниқтараш, соҳибони таҷҳизот на аз iPhone кайфият бурда метавонистанду на аз Angry Birds ва на аз Instagram ва ҳатто на аз мизоҷи «Дар алоқа» ё дигар тамоми замимаҳо барои вақтхушӣ.

Дастгирии зарпардаҳо набуд- пурра фони сиёҳ буд

Агар имрўз истифодабарандагон ҳама гуна мусаввараро ба сифати зарпардаи экрани хонагиашон ё блокировкаи экран интихоб карда тавонанд, пас он замон ягона фони сиёҳ дастрас буд. Соз кардани зарпардаҳо имконнопазир буд.

Мавҷуд набудани амали «Нусхабардорӣ» ва «Ворид сохтан»

Танҳо баъди 3 соли ба истифода оғоз шудани аввалин iPhone муҳандисон дар смартфонҳо амали «Бурида шавад», «Нухсбардорӣ» ва «Ворид сохтан»-ро ҷойгир карданд. Он чӣ ба синхронизатсияи смартфон дахл дорад, барои ин ба муддати 5 сол iPhone-ро ба компютер пайваст кардан лозим шуд (айни ҳол имконияти Wi-Fi-синхронизатсия аст).

http://yablyk.com/

Ҳуруфчинии матн танҳо дар реҷаи портретӣ

 Ҳангоми ҳуруфчинии матн дар замимаи SMS ва почтаи электронӣ клавиатура танҳо дар реҷаи портретӣ кор мекард. Ирсоли сурат тавассути хабардиҳии муқаррарӣ дастнорас буд.

Мавҷуд набудани GPS

Вақти сафар ҳамоно GPS-и муқаррарӣ истифода мешуд.

Камераи 2 Мп бе имконияти наворгирӣ

 Смартфон бо камераи 2 мегапиксела муҷаҳҳаз буд, ки бо вуҷуди ин наворгирӣ ғайриимкон буд. Он вақт на Маркази хабардиҳӣ буду на Siri ва на маркази идоракунӣ буд. (Control Center).

Дар хулоса, қайд кардан мумкин аст, ки аз замони пайдоиши аввалин смартфони сенсории Apple таҷҳизоти ба ин монанд бештар «ақлноктар», зеботар ва зудамал шуданд. Ҳарчӣ ҳам набошад, фаромўш кардан лозим нест, ки роҳи «эволюстия»-и таҷҳизотҳои сенсорӣ аз iPhone оғоз шудааст.

Сарчашма: matrix-tv.tj

1 comment

Опубликовать новый комментарий

Также рекомендуем