«IRS»:Хатари зиёди тармафароӣ дар роҳи мошингарди Душанбе-Чаноқ 

0
445 просмотров

Шурӯъ аз 19 феврал дар  роҳи мошингарди Душанбе-Чанок бориши барфу борон пуршиддату давомдор буда, дар ин замина тармафароӣ зиёд аст.  Дирӯз кормандони “IRS” шаш тармаи хурду бузургро бартараф намуданд. Чун ҳарвақта кормандони филиали Ширкат тамоми кӯшишҳоро ба харҷ дода истодаанд, то ҳаракати муназзаму бехатари воситаҳои нақлиёт таъмин бошад. Дар ин бора ба хабарнигори  АМИТ «Ховар» аз маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон хабар доданд.

Омодагии филиали ширкат ба мавсими тирамоҳу зимистони солҳои 2020-2021 ҷиддӣ ва ҳамаҷониба аст. Барои фаъолияти муназзам дар фасли сармо 19820 тонна маводи зиддилағжиш, 89 тонна ангишт, қариб 300 000 литр сӯзишворӣ ва дар ҳаҷми зарурӣ равғанҳои молиданиву либосҳои зимистона захира шудаанд. Маҳз бо ҷаҳду талош ва меҳнати шабонарўзии кормандони ширкат бо вуҷуди бориши шадиди барфу борон ва тармафароӣ роҳи мазкур умуман баста нест.

Дар ин мавсим фаъолияти шабонарӯзӣ роҳандозӣ шуда, роҳ мунтазам аз барф тоза ва бо маводи зиддилағжиш коркард мешавад. Мавҷудияти 210 мошину техникаи замонавӣ барои нигоҳдории роҳ далели возеҳи собитқадам будани филиали ширкат дар иҷрои рисолат маҳсуб мешавад.

Дар робита ба ин ҳамкорӣ бо Бозрасии давлатии автомобилии Вазорати корҳои дохилӣ, Вазорати нақлиёти Ҷумҳурии Тоҷикистон, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон тавсеа ва тақвият бахшида шуд.

Роҳбарони ширкат ба маълумоти ронандагон мерасонанд, ки дар ин мавсим ҳолати техникии воситаҳои нақлиёт, риояи талабот ва меъёрҳои муқарраршудаи бехатарии ҳаракат дар роҳ, аз ҷумла, бо лавозимоти ҳимоявӣ (симтобаи кашолакунӣ, занҷир, болиштаки зиддиғелиш ва ғайра) муҷаҳҳаз будан бояд пайваста дар мадди назарашон бошад.

Манбаъ: АМИТ «Ховар»

Нет комментариев

Также рекомендуем

Европейский вещательный союз защитит право России на участие в Евровидении

Европейский вещательный союз (EBU) рассчитывает, что все исполнители смогут принять участие в «Евровидении-2017», и проследит, чтобы среди них был и российский конкурсант, заявил в интервью берлинской газете Tagesspiegel ...

Сообщить об опечатке

Текст, который будет отправлен нашим редакторам: