Иштирокчиёни Чемпионати Осиё-2020 (U-19) маълум шуданд

0
57 просмотров

Мусобиқаи интихобии Чемпионати Осиё-2020 миёни ҷавонон дар гурӯҳи “А” анҷом ёфт ва ҳамаи иштирокчиёни марҳилаи финалӣ, ки 14-31 октябри соли оянда дар Ӯзбекистон доир мегардад, маълум шуданд.

Дар баробари тими мунтахаби ҷавонони Тоҷикистон, ки қаблан дар гурӯҳи “С”-и марҳилаи интихобӣ ҷои аввалро сазовор гардид, ба марҳилаи финалии Чемпионати Осиё-2020 ғолибони 10 гурӯҳи дигар роҳхат гирифтанд – Ироқ (гурӯҳи “А”), Қатар (гурӯҳи “В”), Эрон (гурӯҳи “D”), Баҳрайн (гурӯҳи “Е”), Арабистони Саудӣ (гурӯҳи “F”), Малайзия (гурӯҳи “G”), Австралия (гурӯҳи “Н”), Кореяи Ҷанубӣ (гурӯҳи “I”), Ҷопон (гурӯҳи “J”) ва Индонезия (гурӯҳи “K”).

Ҳамчунин, 4 дастаи дигари ҷои дуюми гурӯҳҳо бо натиҷаи беҳтар дар марҳилаи финалии Чемпионати Осиё-2020 иштирок мекунанд – Лаос (гурӯҳи “Н”), Ветнам (гурӯҳи “J”), Яман (гурӯҳи “В”) ва Камбоҷа (гурӯҳи “G”).

Ёдовар мешавем, ки мусобиқаи интихобии Чемпионати Осиё-2020 дар гурӯҳи “С” 2-6 октябр дар шаҳри Душанбе баргузор шуд. Дастаи мунтахаби ҷавонони Тоҷикистон (U-19) дар се бозӣ се ғалаба ба даст овард ва ба марҳилаи финалӣ роҳхат гирифт. Шогирдони Зайниддин Раҳимов бар дастаҳои Малдив (9:0), Лубнон (1:0), Сурия (1:0) пирӯз шуданд.

Ҳамаи 16 дастаи иштирокчии марҳилаи финалии Чемпионати Осиё-2020 миёни ҷавонон: Ӯзбекистон (мизбон), Ироқ, Қатар, Тоҷикистон, Эрон, Баҳрайн, Арабистони Саудӣ, Малайзия, Австралия, Кореяи Ҷанубӣ, Ҷопон, Индонезия, Лаос, Ветнам, Яман, Камбоҷа.

Манбаъ: Варзиш-тв

Нет комментариев

Также рекомендуем

Таърихи пайдоши қаҳва

Қаҳва аввалин маротиба соли 1674-ум дар Шветсия пайдо шудааст. Вале қаҳва ҳамчун нӯшокӣ танҳо дар асри 18-ум маъруф гардидааст. Паҳншавии босуръати қаҳва ҳамчун нӯшокӣ шоҳи ...
%d такие блоггеры, как:

Сообщить об опечатке

Текст, который будет отправлен нашим редакторам: