Иштирокчиёни DigitalCampTcell аз паи сохтани сомонаҳои тиҷоратӣ

0
511 просмотров

Ҳафтаи дуюми омӯзишҳо дар DigitalCampTcell дар ҳоли анҷомёбист. Дар ин муддат иштирокчиёни лоиҳа барномаи таълимии гуногунҷабҳаро азхуд карданд.
Дар ду ҳафтаи оянда онҳо маълумоти бештар дарёфт мекунанд, ки ба онҳо имкон медиҳад, идеяҳои тиҷории худро омода ва амалӣ созанд.
Идеяҳое, ки иштирокчиёни лоиҳа бо он кор доранд, аз ҷиҳати мазмун ва муҳтаво бисёр гуногун аст. Иштирокчиёни дастаҳо ва шахсони инфиродӣ ба рушди лоиҳаҳои соҳибкорӣ дар бахши сайёҳӣ, эҷодӣ ва бахшҳои рақамӣ фаъолият доранд.
Ҳар идея беназир аст: дар инҷо барои таҳияи студияи эҷодӣ, пешбурди “кибер-спорт” дар Тоҷикистон, фурӯши маҳсулоти шустушӯйӣ кор карда истодаанд.
Миёни дигар идеяҳо, пешниҳодҳои ҷолиб дар бораи минтақаҳои сайёҳии Тоҷикистон, мағозаи ашёҳои косметикӣ, интернет-мағозаҳо бо доираи васеъ низ ҳастанд.
Ҳафтаи аввали омӯзиш, дастаҳо маводи зиёдро аз худ карданд: тамоюлҳои технологияи ҷаҳонӣ, сохтани нақшаҳои тиҷорӣ аз рӯи барномаи canvas, тадқиқотҳои маркетингӣ ва арзёбӣ, кор бо муштарӣ ва кор бо гуруҳ, муайян намудани шунавандагони мақсаднок ва каналҳо ва муошират бо он, роҳи татбиқи фикрҳо дар амал, идеяҳои эҷодӣ ва таҳияи инкишоф, маркетинг рақамӣ, ҷузъи молиявии соҳибкорӣ.
Бо дастаҳои роҳнамоҳо — кормандони ширкат, ки дар соҳаи худ таҷрибаи чандинсола доранд, инчунин мутахассисони маҳаллӣ аз ташкилотҳои гуногун кор мекунанд.
Дар алоҳидагӣ бо дастаҳо Кети Пиртсхалава ва Заррина Газарян — ташкилкунандагон ва роҳбарони лоиҳа DigitalCamp, Ҷафар Нурматов, директори филиали Суғдии Tcell, Алишер Холиқназаров – маркетолог, Гулнор Атобек, директор оид ба аудит “Делойт” , Алишер Холиқов, мененҷери маҳсулот, Искандар Мирзоғаниев, мушовири эҷодӣ ва дизайнер, Мансур Ҳоҷибобоев, барномасоз ва ороишгари веб ва дигарон кор карданд.
Ҳафтаи дуюм ва сеюм дар DigitalCamp ба веб-дизайн DigitalCamp бахшида шудааст. Курси даҳрӯза барои иштирокчиён имкон медиҳад маълумотҳои бештар дар соҳаи дизайни веб, дастгоҳи сомонаҳо, мафҳумҳои асосии забони HTML ва CSS гиранд. Иштирокчиён ҳамчунин бо барномаҳои эҷоди саҳифаҳои интернетӣ ва меъмори сомонаҳо шинос мегардад. Ин машғулиятҳои амалӣ ҳаммаи донишҳои заруриро барои барои сохтани сомонаи шахсӣ барои тиҷорат медиҳад.


Баъди гирифтани таҷрибаи зарурӣ ва хотимаи омӯзиш, даста ба ҳакамон маҳсулоти тайёр ниҳоӣ худро пешниҳод менамояд. Дар пайи ин 3 дастаи беҳтарин ғолиб интихоб гашта, соҳиби ҷойи лозима, маблағ ва туҳфаҳои арзишманд мегарданд.
Ҳадафи озмуни DigitalCampTcell рушди нерӯи инноватсионӣ ва ҳавасмандии ҷавонон барои эҷоди технологияиҳои соҳибкории муосир бо истифода аз имконоти технологияҳои муосир аст.
Лоиҳаи DigitalCampTcell моҳи июн эълон гашта 50 пешниҳод барои ширкат дар он ворид гашт. Ҳамаи иштирокчиён бояд бо идеяҳои тиҷории беназир барои ширкат дархост мефиристоданд. Баъди суҳбат бо роҳнамо ва шарикони лоиҳа 15 гуруҳ сохта шуд, ки тули ду ҳафта боз курсҳои омӯзишӣ мегузаранд. Миёни онҳо гуруҳҳои иборат аз чанд нафар, ки омодаанд рӯи идеяҳои тиҷорӣ кор кунанд ва ҳамчунин иштиркчиёни алоҳида, соҳибкорони ҷавон, ки хостори дарёфти донишҳои наванд, ҳастанд.
Шарики лоиҳа AccelerateProsperityTajikistan. Accelerate – ин бизнес-инкубатор аст, ки захираҳо ва донишҳоро сармоягузорӣ карда, соҳибкории хурду миёнаро дар Тоҷикистон дастгирӣ мекунад ва барои сохтану рушд додани нақшаҳои тиҷорӣ кумак мекунад.

Манбаъ: Хадамоти иттилоотии Ширкат.

Нет комментариев

Также рекомендуем