Иштироки 1281 хонанда дар олимпиада

0
1 070 просмотров

Олимпиадаи мактабиён ҷамъбаст гардид. Дар мактаб-гимназияи № 24 ҷамъбаст олимпиадаи фаннии мактабиёни шаҳр ба анҷом расид.

Дар чорабинии ба ин муносибат баргузор гашта, аъзоёни ҳакамони ин озмун омӯзгорону муҳассилин иштирок намуданд.

Соли дуввум аст, ки олимпиадаи фанни хонандагони шаҳр тариқи «Онлайн» доир мегардад, ки ин иқдом барои таъмини шаффофияти олимпиада, дарёфти воқеии хонадагони лаёқатманд мусоидат менамояд.

Дар ин сабқати донишу истеъдод аз синфҳои 9 ва 11 — 1281 нафар ширкат варзиданд. Аз синфи 9 ва 10 дар олимпиада 816 нафар ва аз синфи 11 бошад 407 нафар довталабон барои ба даст овардани мақомҳои ифтихорӣ мубориза бурданд. Ҳайати ҳакамон ба донишу истеъдоди довталабон баҳои воқеӣ дода, беҳтаринҳо муайян карданд.

Дар даври дуввуми олимпиадаи шаҳрии мактаббачагони шаҳри Хуҷанд 270 нафар сазовори ҷойҳои 1, 2 ва 3 гашта, ба даври вилоятӣ аз синфи 10-26 нафар ва аз синфи 11-78 нафар роҳхат гирифтанд. Дар Олимпиадаи имсола муҳассилини муассисаҳои таълимии №15, 22, 8, 12, 9, 10, 21, 7 ва литсейи физикию математикии №1, мактаби хусусии Пўлотов, “Паймони азизон”, гимназияи №24, “Гулчини маърифат”, гимназияи ба номи Гёте, мактаби хусусии ба номи Ю. Рустамов, гимназияи №4, Ганҷ ва литсейи ДДҲБСТ аз ҳама зиёд ба гирифтани ҷойҳои ифтихорӣ мушарраф гардиданд. Ба хонандагони ғолиб дипломи ифтихорӣ супорида шуд.  Дар ин бора аз хадамоти матбуотии Раиси шаҳри Хуҷанд иттилоъ медиҳанд.

Нет комментариев

Также рекомендуем