Иштироки лижаронони тоҷик дар VIII – умин Бозиҳои зимистонаи осиёӣ

0
425 просмотров

Аз 19 то 26 феврали соли ҷорӣ дар шаҳри Саппорои Ҷопон VIII – умин Бозиҳои зимистонаи осиёӣ баргузор карда мешавад, ки дар он варзишагарон аз 29 давлати Осиё, Австралия ва Зеландияи Нав иштирок менамоянд.

Варзишгарон аз 11 намуди варзиш аз ҷумла биатлон, лижаронии куҳӣ, киёлинг, скитинг, сновборд, рақси рӯи ях, чавгонбозӣ ва ғайра байни худ рақобат хоҳанд намуд.

Тоҷикистонро варзишгарони кишвар дар ҳайати Соҳибназари Турсунмурод, Баракатулло Зокиров, Сайфиддини Низомиддин ва Баҳриддин Ғоибов аз намудҳои лижаронии куҳӣ дар ин бозиҳо муаррифӣ менамоянд.

Имрӯз 17 феврал маросими парчамбардории Ҷумҳурии Тоҷикистон баргузор шуда, санаи 21 феврал ҷаласаи қуррапартоӣ доир карда мешавад.

Айни замон варзишгарони мо дар меҳмонхонаи “APA Hotel” қарор дошта, дар сабқатҳо омодагӣ мебинанд ва рӯзҳои 22 ва 24 феврал аз намудҳои лижаронии куҳӣ рақобат хоҳанд намуд.

Қобили зикр аст, ки ҳайати дастаи Тоҷикистон бо сарпарастии Ассотсиатсияи миллии намудҳои зимистонаи варзиши Тоҷикистон бо тамоми лавозимтоҳои муосири варзишӣ таъмин гардида, бо маблағгузории ин Ассотсиатсия имкони иштирок дар ин мусобиқаи бонуфузро пайдо намуданд.

Нет комментариев

Также рекомендуем