Истеҳсоли консерва ва афшура аз помидор дар ноҳияи Бобоҷон Ғафуров

0
431 просмотров

Имсол кишоварзони хоҷагии деҳқонии «Қалъача»-и ҷамоати деҳоти Овчиқалъачаи ноҳияи Бобоҷон Ғафуров ният доранд, ки аз 1 гектар кишти помидор 50 тонна маҳсулот ҷамъоварӣ намоянд. Тавре роҳбари хоҷагӣ Аҳмадҷон Ахмедов иброз дошт, айни замон чиниши помидор ҷараён дошта, маҳсулоти пухтарасида аз 500 гр. то 1,5 кг вазн доранд. Маҳсулоти дар ин ҷо истеҳсолшаванда дорои шакл ва таъми хос аст, зеро заминҳои ин минтақа аз оби мусаффои кӯҳҳои барфпӯш обёрӣ карда мешавад.Мавриди зикр аст, ки хоҷагии деҳқонии «Қалъача» яке аз хоҷагиҳои пешқадам дар самти истеҳсоли помидор маҳсуб ёфта, ҳамасола даҳҳо тонна помидорро пешниҳоди харидорон менамояд. Имсол хоҷагидорон ният доранд, ки тибқи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон коркарди маҳсулотро низ ба роҳ монанд. Истеҳсоли афшура ва консерва аз помидорҳои хоҷагӣ имкон медиҳад, ки маҳсулоти тайёр ва аз ҷиҳати экологӣ тоза ба мизоҷон пешниҳод гардад.

Манбаъ: АМИТ «Ховар»

Нет комментариев

Также рекомендуем

Манекенҳо бо харидорон муошират мекунанд

Фурӯшандагони Британӣ дар толорҳои худ манекенҳои “доно”-ро насб мекунанд, ки метавонанд ба таҷҳизоти харидорони ҷазманд маълумотҳоро оид ба молҳои нав, пешниҳодот, нархҳоро ирсол намоянд.  Технология ...

Сообщить об опечатке

Текст, который будет отправлен нашим редакторам: