«Истиқлол» дар Лигаи чемпионҳо ширкат мекунад

0
50 просмотров

Чемпиони Тоҷикистон – «Истиқлол»-и Душанбе бори аввал дар таърихи худ дар бозиҳои интихобии Лигаи чемпионҳои Осиё ширкат меварзад. 12 феврал, футболбозони тоҷикистонӣ дар муқобили АГМК-и Алмалики Ӯзбекистон вориди майдони рақобат мешаванд. Тибқи низомномаи мусобиқаи Лигаи чемпионҳои Осиё бозиҳои интихобӣ аз як вохӯрӣ иборат буда дар сурати мусовӣ ҷамъбаст шудани он, доварон ду қисми иловагии 15 дақиқагӣ таъин мекунанд. Агар ғолиб дар ин сурат низ муайян нагардад, пас силсилаи зарбаҳои пеналтии баъдибозӣ яке аз дастаҳоро ба даври минбаъда роҳхат хоҳад дод.  Ғолиби бозии байни дастаҳои АГМК ва «Истиқлол» 19-уми феврал бо дастаи «Аннаср»-и Арабистони Саудӣ барои ба марҳилаи гурӯҳӣ ҳамроҳ шудан, қувва месанҷад.  Имрӯз дар нишасти пешазбозии масулони клубҳои футболи АГМК ва «Истиқлол» ранги пироҳанҳои бозии дастаҳо муайян карда шуд ва истиқлолиҳо бо ранги сурх ба майдон меоянд.  Федератсияи футболи Тоҷикистон дар бастагӣ ба вохӯрии байни дастаҳои АГМК ва «Истиқлол» барои мухлисони тоҷик сафари ройгонро ташкил намудааст, ки имшаб онҳо тавассути се автобус ба шаҳри Алмалики Ӯзбекистон, ки аз шаҳри Тошканд дуртар мебошад, раҳсипор шуданд.  Боиси тазаккур аст, ки клубҳои футболи Ӯзбекистон ва Тоҷикистон дар доираи мусобиқоти сатҳи Осиё ҳанӯз соли 2001, 18 сол муқаддам бо ҳам дидор анҷом дода буданд. Дастаи «Регар-ТадАЗ» дар мусобиқаи Ҷоми ҷомдорони КФО дар ду вохӯрӣ бар «Пахтакор»-и Тошканд (2:2, 3:1) пирӯз гардида буд.  

Манбаъ:ТВ Варзиш

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: