Истифодабарандагони Facebook метавонанд аккаунти худро ба васият гузоранд

0
279 просмотров

Facebook ба истифодабарандагон имконият медиҳад, ки ба дигарон аккаунтҳои худро васият кунанд.  Дар ҳолати марг онҳо метавонанд аккаунти шахси васият гузоштаро назорат кунанд. Истифодабарандагони ИМА аллакай аз 12-уми феврал аккаунти худро бо кӯмаки оптсияи махсус дар танзимоти бехатарии намуд таъсис дода, васиятномаи худро гузоранд.

Тавре The Washington Post менедҷери Facebook оид ба ин маҳсулот, Ванесса Кэллисон-Берч баён намуд, кунун ба истифодабарандагон се имконот (опция) дастрас гардидааст: пас аз марг ба таври автоматӣ қатъ намудани аккаунт, табдил додани профил ба ном «саҳифаи хотира» ва васият намудани аккаунт ба шахси мушаххас, ки пас аз марги соҳиби аккаунт ҳуқуқи ба он назорат карданро доранд, иттилоъ медиҳад М24.

— Муаллифи маъруфи ҳазл замони Facebook ба як “шабакаи иҷтимоии мурдагон” табдил ёфтанашро ҳисоб  карда баромадааст.

http://keddr.com/

Дар ин ҳолат пас аз он, ки Facebook огоҳномаро оид ба марги шахси вафоткарда дастрас мекунад, воқеаномаи ӯ тасҳеҳ карда мешавад: пеш аз номи фавтида калимаи «ёдбуд» (Remembering) пайдо хоҳад шуд.

“Меросхӯр”-и аккаунт бояд, ки истифодабарандаи доимии шабакаи иҷтимоӣ Facebook бошад. Ин шахс имконияти назорати маҳдуди сабтро пайдо намуда, ҳуқуқи таҳрири расмҳо ё рафъи пурраи аккаунтро надорад. Лекин ӯ ҳуқуқи гирифтани дархости илова намудани дӯстон ва нашр намудани паёмҳоро дар воқеаномаи шахси фавтида дорад.

Ҳангоми васияти саҳифа метавон қайд намуд, ки оё одами боваринок метавонад дастрасиро ба маълумотҳои дар бойгонӣ боркардашуда пайдо кунад.

Пеш аз ҷорӣ кардани танзимоти нав, Facebook ба таври автоматикӣ аккаунти шахси фавтидаро қатъ менамуд, вақте дар бораи марги ӯ ҳуҷҷатҳои тасдиқшударо пайдо мекард. Дар ин ҳолат, хешовандони наздики марҳум дар навбати худ метавонад дархостро барои бартараф кардани аккаунт пешниҳод намоянд. Илова бар ин, ҳастанд барномаҳои махсусе, ки аз тарафи таҳиякунандагони беруна офарида шудаанд. Онҳо ба дӯстони шахси фавтида имкон медиҳанд, ки дар Facebook паёми баъди маргӣ гузоранд.

Ёдовар месозем, ки соли 2013 Google аввалин шуда, дар байни  ширкатҳои интернетии пешбар ба истифодабарандагон имконият дода буд, ки «меросхӯрони рақамӣ»-и почтаи Gmail ва дигар хадамотҳои нигаҳдории абриро таъин намуда, чунин одамонро “идоракунандаи аккаунтҳои ғайрифаъол” номанд. Дар соли 2014 қисми ёрирасони ҷопонии Yahoo, хадамоти алоҳидаро барои тайёр намудани васиятномаи электронӣ пешниҳод намуд.

Сарчашма:  matrix-tv.tj

Нет комментариев

Также рекомендуем