Истихроҷи 767 ҳазор тонна ангишт дар вилоят

0
113 просмотров

Ҳамасола якшанбеи охири моҳи август чун Рӯзи ангиштканон таҷлил мегардад. Ба ин муносибат Паёми табрикии Раиси вилояти Суғд Раҷаббой Аҳмадзода дастраси мо гардид, ки дар он омадааст:

«Кулли кормандони соҳаро табрику муборакбод намуда, барояшон дар амалишавии нақшаҳои нек барору комёбиҳо таманно дорам.

Тавре Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таъкид намудаанд: «Рушди соҳаи истихроҷи ангишт ва самаранок истифода бурдани захираҳои табиии кишвар метавонад дар пешбурди иқтисодиёти кишвар, таъсис ва фаъолияти корхонаҳои саноатӣ саҳми назаррас гузорад». Боиси хушнудист, ки ин нуқтаро кулли ангиштканони вилоят ба хубӣ эҳсос намуда, ҷиҳати афзоиши бемайлони истихроҷи ангиштсанг тадбирҳои судмандро роҳандозӣ намуда истодаанд.

Бо қаноатмандӣ бояд қайд кард, ки дар ҳафт моҳи соли ҷорӣ дар корхонаҳои вилоят 767,5 ҳазор тонна ангишт истихроҷ гардидааст, ки нисбат ба ҳамин давраи соли  гузашта 86,7 ҳазор тонна зиёд аст.

Итминони комил дорам, ки ангиштканони вилоят баҳри амалӣ гардонидани сиёсати пешгирифтаи Пешвои миллат ва Ҳукумати ҷумҳурӣ саҳми босазо гузошта, қувва, матонат ва таҷрибаву малакаи худро дар ин самт равона хоҳанд кард.

Бо чунин таманнои нек ба кормандони соҳаи истихроҷи ангишти вилоят хонаи обод, рӯзгори пур аз файзу баракат ва саломативу барори кор орзу менамоям.

Нет комментариев

Также рекомендуем

Чашми худро муҳофизат намоед

Утоқи кор ё хоби худатонро ҳамеша мартуб нигаҳ доред ва истифода аз дастгоҳҳои бухори сард беҳтарин гузина барои пешгирӣ аз хушк шудани ҳавои утоқ аст. ...