Истихроҷи 882 ҳазор тонна ангишт дар конҳои вилоят

0
570 просмотров

Дар конҳои ангишти вилоят дар 9 моҳи соли равон 882 ҳазор тонна ангишт истихроҷ гардид, ки нисбат ба ҳамин давраи соли гузашта 336 ҳазор тонна ё худ 1,6 маротиба зиёд мебошад.

Дар кони калонтарини вилоят — кони «Фон Яғноб»-и ноҳияи Айнӣ давоми 9 моҳи соли равон истихроҷи ангишт ба 511 ҳазор тонна расонида шуд, ки нисбат ба ҳамин давраи соли гузашта 103,7 ҳазор тонна зиёд буда, 125,5 фоизро ташкил медиҳад.

Падидаи нек дар соҳаи истихроҷи ангишти вилоят ин ба фаъолият шурўъ намудани корхонаи нави истихроҷи ангишт «Комбинати металлургии Тоҷик» дар ноҳияи Айнӣ мебошад. Корхонаи мазкур соли равон тавонист, ки аллакай 52 ҳазор тонна ангишт истихроҷ намояд. Корхонаи «Талко ресурс»-и ноҳияи Айнӣ истихроҷи ангиштро 3 маротиба зиёд намуда, ба 276,3 ҳазор тонна расонид.

Ҳамзамон нишондиҳандаи баландтарини суръати афзоиши истихроҷи ангишт дар 9 моҳи соли равон ба корхонаи хурдакаки «Ғузн»-и ноҳияи Кўҳистони Мастчоҳ рост омад. Корхонаи мазкур ҳамагӣ 2,2 ҳазор тонна ангишт истихроҷ карда бошад ҳам, лек суръати афзоиши он нисбат ба ҳамин давраи соли гузашта 545 фоизро ташкил дод.

Мутаассифона, ҷамъияти саҳомии «Ангишт»-и шаҳри Исфара бинобар ҷой доштани мушкилиҳои фурўши ангишт, зеризаминӣ будани истихроҷ (ва дар ин замина баланд будани арзиши аслии он) ва вазъи душвори молиявӣ 37,2 ҳазор тонна ангиштро истихроҷ намуд, ки нисбат ба ҳамин давраи соли гузашта 5,8 ҳазор тонна ё 13,4 фоиз кам мебошад.

Ҷоиз ба зикр аст, ки то имрӯз дар ҳудуди вилоят 636 нуқтаи фурӯши ангиштсанг амал менамояд, ки аз он 343 адад нуқтаи доимӣ ва 293 адад нуқтаи сайёри фурӯши ангиштсанг мебошад. Имрӯз дар ҳамаи нуқтаҳои фурӯш миқдори зарурии ангиштсанг мавҷуд буда, нархи он барои 1 кг вобаста ба сифати ангиштсанг аз 18 то 80 дирам мебошад».

Хадамоти матбуоти
Раиси вилояти Суғд

Нет комментариев

Также рекомендуем

OFFICE 2019 барои WINDOWS ва MACOS

Office 2019 — ин идомаи тавсири «абадии» замимаҳои офиси барои истифодабарандагони Windows 10, ки аз Word, Excel, PowerPoint, Outlook, Publisher 2019, Access 2019, Project 2019 ...