Махсуди Ихтиёр, ки бештар бо тахаллуси Ихтиёри Иқболшоҳ машҳур аст, 1 феврали соли 1991 дар шаҳри Хуҷанд ба дунё омадааст.
— Фаъолияти эҷодии худро кай оғоз кардаед?
Ихтиёри Иқболшоҳ: Фаъолияти эҷодии ман, аз соли 2007 моҳи феврал сар шуда буд., Дар консерти “Ёдбуди Ҳасани Вализод”, ки яккахони гурӯҳи “Иқбол”буд иштирок намуда, ҳамон рӯз пайрави гурӯҳи Иқбол эълон шудам. Дар оғози кор, ман бо продюсери гурӯҳ — Фирӯз Юсуфов самти асосии иштироки маро ҳамчун овозхон дар ин коллектив аниқ намудем.
Вале зиндагӣ ва роҳи эҷодии санъаткор пурталотӯб аст ва айни ҳол бошад ман бо розигии Фирӯз Юсуфов тахаллуси “Ихтиёри Иқболшоҳ”-ро қабул намуда, танҳо фаъолият бурда истодаам.
-Шавқу ҳаваси Шумо ба ғайр аз санъаткорӣ?
Ихтиёри Иқболшоҳ: Гӯш кардани мусиқӣ, ба варзиш машғул шудан ва эҷод кардани шеърҳо.
-Кадом хислатҳои инсониро мепарастед?
Ихтиёри Иқболшоҳ: Он хислатҳои инсонро мепарастам , ки нишонаи инсонгарӣ, эътиқоди қалбӣ ва худотарсиро дошта бошад. Ҳамаи мо бегуноҳ нестем, барои то марраи пешгузошта расидан ба хатогиҳо роҳ медиҳем… Муҳимаш, сари вақт огоҳ шавем ва ба такрории хатогиҳо роҳ надиҳем!
Ихтиёри Иқболшоҳ
-Шогирд тарбия кардаед?
Ихтиёри Иқболшоҳ: Не, ба фикрам ман худам то ҳол аз меҳр ва парвариши устод нигаронӣ дорам.
-Муносибати Шумо ба хониш ва навозиши «зинда».
Ихтиёри Иқболшоҳ: Муносибати ман ба хониши зинда хеле ҷиддӣ мебошад, барои он ки бо хониши зинда баромад мекунам. Ҳаракат дорам, ки дар консетрҳои худ пурра бо хониши зинда баромад кунам.
—Кадом санъаткори шинохта ва гурӯҳи касбиро мепарастед?
Ихтиёри Иқболшоҳ: Муборакшоҳ, Далер Назаров ва Ҳасани Вализод.
-Равияи мусиқавии Шумо?
Ихтиёри Иқболшоҳ: Равияи мусиқавии ман — оммавӣ (populare) мебошад. Фаҳмо, содда ва шунаво будани маводи эҷодӣ — ин самт ва равияи ман дар эстрада.
—Агар миллион доллар медоштед ба куҷо ва ё ба кадом кор сарфа мекардед?
Ихтиёри Иқболшоҳ: Аввалан ба камбағалон ва он одамоне, ки мӯҳтоҷи дастгирӣ ҳастанд ёрдам мекардам ва баъдан корҳои худро ба пеш мебурдам.
Ҳолати хандовар, аҷоиб ва хотирмон, кӣ дар фаъолияти эҷодии Шумо рӯй дода буд:
Ихтиёри Иқболшоҳ: Бале, ҳолатҳои хандовар дар фаъолияти санъаткор бисёр рӯй медиҳанд. Расман, шумо агар ба паси саҳна пеш аз консерт, вақти машқ ё ҷараёни эҷодкорӣ мушоҳида намуда онро сабт намоед, ин худаш аллакай яке аз филмҳои мазҳакавии беҳтарин шуданаш мумкин, ки ҳатто ҷоизаи “Оскар”-ро сазовор ҳаст. (шӯхӣ).
Нақшаи соли 2015, инчунин дар оянда чӣро мехоҳед амалӣ намоед?
Ихтиёри Иқболшоҳ: Ин пеш аз ҳама ташкили консерҳо дар қаламрави вилояти Суғд. Инчунин вобаста ба мавсиму идҳои дар пеш буда, эҷоди сурудҳои нав ва банаворгирии клипҳо.
Инҷо метавонед аз клипҳои Икболшоҳ тамошо карда бошед:
Iqbolshoh — Chashm from Portal Tiroz on Vimeo.
Iqbolshoh — Chashm from Portal Tiroz on Vimeo.
Iqbolshoh — Chashm from Portal Tiroz on Vimeo.
Нет комментариев