Бен Мозер ва Мэри Лапковитс ҳануз аз давраҳои мактабӣ, аз айёми бачагӣ дӯстӣ мекарданд. Байни ин ҳарду ҳамеша як муносибати махсус вуҷуд дошт.
Мэри духтаракест, ки бо аломатҳои бемории «Даун» ба дунё омадааст. Вале ин чиз ба муносибати дӯстонаи Мери бо Бен ягон халал ворид накардааст.
«Ҳамсолони Мэри бисёр вақт аз сабаби гирифтори бемории Даун буданаш аз ӯ дур мешуданд. Аммо танҳо Бен ҳамеша бо Мэри буд», мегӯяд бародари Мэри Том Лапковитс. Бен ва Мэри дар як мактаби ибтидоӣ таҳсил кардаанд. Бен ҳамеша кӯдаки боғайрату серҳаракат буд. Ӯ ба Мэри ҳамеша ғамхорӣ мекард. Бен кӯшиш мекард, ки Мэриро ба ҳама гуна чорабиниҳои мактабӣ ҷалб намояд. Вақте Бен медид, ки Мэри зиқ аст, дарҳол ӯро ҳамрохи худ ба бозии футбол мебурд. Мэри тамошои бозии футболро хело дӯст медошт. Вақте, ки онхо дар синфи 4-ум мехонданд, Бен ба Мэри ваъда дода буд, ки ӯро ба ҷашни хатми мактаб ҳамроҳ мебарад. Аммо каме дертар Мэри ба мактаби дигар гузашт ва Бен футболбозӣ карданро идома медод. Вақте, ки дастаҳои футболии онҳо дар як чемпионат иштирок мекарданд, Мэри ва Бен ғайричашмдошт боз бо ҳам вохӯрданд ва Бен ваъдаи замоне ба Мэри додаи худро ба ёд оварда, қарор дод, ки барояш сюрприз мекунад. Ҳамин тавр ҳам шуд, Бен Мэриро ба ҷашни шаби хатмкунӣ ҳамроҳ гирифта бурд. Шоми дуру дарози ид Бен аз духтарак чашм наканда, ба ӯ ғамхорӣ мекард. «Бен боварии маро ба инсоният баргардонид», мегӯяд бародари Мэри.
Модари Бен мегӯяд, ки фарзандонашро пеш аз ҳама ба инсондӯстӣ омӯзонидааст. Имрӯз модар дар ҳақиқат ҳам метавонад, ки чунин писари дарёдили худ фахр намояд
Нет комментариев