Ҷопониҳо технологияеро коркард намуданд, ки сабти беиҷозаро муҳосира мекунад

1
254 просмотров

Ҳангоми қабули сигнали махсус фаъолнокии камераи смартфонҳо ва дигар таҷҳизотҳои мобилӣ қатъ карда мешавад.

Мутахассисони  донишгоҳи Рицумэйкани Япония  технологияеро коркард намуданд, ки сабти беиҷозаро тавассути сигнали махсус муҳосира мекунад, иттилоъ медиҳанд ВАО-и Япония.

Ин усул иборат аст аз истифодаи лампаҳои диодии махсус дар биноҳое, ки дар он ҷо сабти навор мамнӯъ аст. Нури ин гуна лампаҳо ҳамон сигналест, ки барои сабт монеъгӣ эҷод мекунад.

Ҳамин тариқ, соҳиби дастгоҳ наметавонад камераи худро дар дохили ин бино фаъол кунад. Ба ақидаи аъзоёни гурӯҳи олимон тадқиқоти мазкур дар самтҳои гуногун истифода бурда мешавад: дар корхонаҳо барои пешгирии ҷосусии саноатӣ, дар рафти консертҳо, ки ташкилкунандагони он мудом талқин мекунанд, ки сабти он мамнӯъ аст. Дар донишгоҳи  Рицумэйкан иқрор мешаванд, ки тадқиқоти онҳо такомул мехоҳад. Ихтирооти онҳо ҳангоми паст будани шуоъ кор мекунад ва дар ҳолати баланд будани шуоъ фоида надорад. Муаммои асосӣ пеш аз ҳама тафсири сигнали қатъ барои смартфон ва ё планшет мебошад, зеро дар ин дастгоҳҳо бояд барномаи таъминотии махсус насб карда шавад.

Дар ҳамин ҳол таҳиягарони технологияи мазкур боварӣ доранд, ки истеҳсолкунандагон пеш аз он, ки гаджет ба фурӯш мебарояд, дар таҷҳизотҳои мобилии худ барномаи таъминотии махсусро насб мекунанд. «Имрӯз барои мо аз ҳама асосиаш густариш додани ҳамкорӣ бо истеҳсолкунандагони смартфонҳост», — таъкид мекунад роҳбари гурӯҳи тадқиқотӣ Такэси Кумаки.

Манбаъ: http://itar-tass.com/

Опубликовать новый комментарий

Также рекомендуем

Барноми фароғатии «Навои дил»

«Навои дил»- шиносоӣ бо дурдонаҳои назми адабиёти классикию муосири тоҷик ва ҷаҳон. Ба ин васила тарбия намудани одобу ахлоқи ҳамида, боло бардоштани маънавиёт ва фароғати ...