Кӣ нахустин шуда дар танҳоӣ уқёнусро шино карда гузаштааст ?

0
775 просмотров

Шабона моҳи декабри соли 1875-ум дар шаҳраки амрикоии  Глостер моҳидорони маҳаллӣ дар пивохонаи «Гарпунный линь» оромона нишаста буданд. Ногаҳон яке аз онҳо эълон кард, ки уқёнуси Атлантикаро дар танҳои бо завраки хурди яксунтунчагии моҳидорӣ шино карда мебарояд. Ин фарди ҷасур Алфред Енсении 27-сола аз Дания буд, ки тӯли солҳои зиёд боз дар Амрико умр ба сар мебурд. Енсен бо моҳидорӣ машғул буд ва ҳамчун баҳрнаварди нотарсу далер шинохта шуда буд. Аммо ҳатто рафиқони Алфред ҳам, ки  бебок будани ӯро хело хуб медонистанд, ба ҳақиқат доштани ин нақшаи беақлонаи дӯсташон бовар накарданд. Вале ин марди даниягӣ аз мақсади худ даст кашидани набуд ва барои амали намудани орзуи худ ба сохтмони киштии бодбондор оғоз кард. Киштии офаридаи худро Алфред «Сентенниеэл» ном гузошт, ки маънои «Садсола»-ро дошт. Зеро ӯ ин шиноварии худро ба 100 солагии истиқлолияти давлати Иёлоти Муттаҳидаи Амрико бахшиданӣ буд. 16-уми июни соли 1876-ум сайёҳи шердил бандаргоҳи Глостерро тарк кард ва ба самти  Саг-Харбор равона гардид. Маҳз дар он ҷо ӯ киштии худро бо ҷузъиётҳои лозима таҷҳизонида, 25-уми июни соли 1876 ба сӯи  Аврупо ҳаракат кард. Алфред Енсен бояд  2500 мил масофаи уқёнуси Атлантикаро тай мекард. Дар роҳ баҳрнавард мушкилоту хатарҳои зиёдро аз сар гузаронид. Аллакай дар оғози  роҳ Алфред ба тӯфони сахт дучор шуд, ки 5 рӯз давом карда буд. Ӯ бо душворӣ тавонист, ки бодбонро дар як самти муайян нигоҳ дорад. Танҳо рӯзи 6-уми шиноварӣ дар баҳр Енсен истироҳат кард. Баъзан дар баҳри кушод киштиҳои бузурге вомехӯрданд, ки мусофирони он бо дидани як сайёҳи танҳо дар киштии бодбондори хурд дар ҳайрат меафтоданд. Ба Енсен на якбор пешниҳод карданд, ки ба киштии калон савор шуда, то Аврупо рафта расад. Вале ин марди боғурури даниягӣ ин таклифҳоро рад мекард. 2-юми августи соли 1876-ум, дар охири роҳ, дар наздикии ҷазираи Клир-Айленди Ирландия Енсен боз ба тӯфони даҳшатовар дучор шуд. Дар ин лаҳза баҳрнавардро танҳо арғамчини ғафси эҳтиётӣ, ки ба сутуни киштии бодбондор баста шуда буд, наҷот дода тавонистааст. Дар ҷараёни тӯфон тамоми хӯроквории захиравӣ ва оби нӯшокӣ аз даст дода шуда буд. Хушбахтона ба назди бодбони ӯ «Сентенниэл» заврақи дубодбондори амрикоии «Алфредон» омада, Алфредро бо оби нӯшиданӣ ва нон таъмин кард. 9 августи соли 1876-ум  пас 46 рӯзи мубориза бо уқёнуси  Атлантика, Алфред Енсен ба соҳили Англия омада расид. ӯ ба назди соҳили гӯшаи минтақаи Сент-Дейвис расида, ду рӯз истироҳат кард ва ба сӯи Ливерпул равон гардид. Пас аз якчанд ҳафта  Енсен бодбони худро ба  пароход бор карда, аз Ливерпул дубора ба Глостер баргашт. Ин дафъа ба ҳайси мусофир. Алфред Енсен ба Америка ҳамчун қаҳрамонӣ ҳақиқӣ баргашт.  Дӯстонаш бо ӯ фахр карданд ва Алфредро «Енсен-садсола» номиданд. Баҳрнаварди нотарс нишон дод, ки ҳатто дар танҳои инсон қодир аст бо тӯфони даҳшатовари уқёнус мубориза барад.

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: