«Кабири Хуҷанд» ба Хонаи пиронсолон рафт

0
143 просмотров

Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон зимни мулоқот бо ҷомеаи шаҳрвандӣ аз ҷумла изҳор доштанд: «Бо қаноатмандӣ зикр менамоям, ки хусусан, солҳои охир дар кишварамон дасти кумак дароз кардан ба ятимону маъюбон ва ниёзмандону камбизоатҳо аз ҷониби соҳибкорону ашхоси ҳимматбаланд торафт ба анъанаи нек табдил ёфта истодааст. Чунин рафтори саховатмандона, бешубҳа, аҳаммияти бузурги маънавию ахлоқӣ ва тарбиявӣ дошта, дар айни замон ба густариши раҳму шафқат дар байни аъзои ҷомеа, таҳкими муносибатҳои нек миёни одамон ва то андозае ба ҳалли мушкилоти иҷтимоӣ мусоидат мекунад».

Бо такя ба гуфтаҳо Пешвои миллат муҳтарам Эмомалӣ Раҳмон субҳи имрӯз кормандони ширкати «Кабири Хуҷанд» ба муассисаи давлатии «Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд» рафта, дар маҳфили идонаашон иштирок намуда, шодишарики эшон гардиданд.

Намояндагони ширкат бо бошандагони марказ доир ба сиёсати иҷтимоии имрӯзаи Роҳбарияти Давлату Ҳукумат сӯҳбати самимӣ ва озод намуда, аз ҷумла қайд карданд, ки маънӣ ва асли хикмати рамазон ба қадри неъмат расидан, эҳтироми якдигар, хусусан пирону ашхоси танҳоро ба ҷо овардан мебошад.

Таъкид шуд, ки ҳар яки мо бояд шукрона кунем, ки соҳибватану соҳибдавлат ҳастем. Мо бояд Ватанамонро баробари модари худ ва мисли ҷонамон дӯст дорем ва онро ҳимоя кунем.

«Кабири Хуҷанд» ба Хонаи пиронсолон рафт

Бояд қайд намуд, ки дар «Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд» 58 нафар пиронсолону маъюбон ба ғамхорӣ фаро гирифта шудааст. Дар марказ пиронсолон ба таъмини иқомати домӣ, хизматрасонии ройгони тиббӣ фаро гиифта шуда, барои истироҳат, варзиш ва машғулиятҳои меҳнатӣ-табобатӣ шароитҳо муҳайё карда шудаанд.

Роҳбари марказ зикр намуданд, ки аз нигоҳи моддӣ эҳтиёҷманд нестанд, зеро ҳамарӯза аз тарафи ашхоси саховатманд, соҳибкорон, донишҷӯён ва ташкилоту муассисаҳо маводҳои гуногуни аёдатӣ дастрас карда мешаванд. Муассиса кӯшиш менамояд, ки барои пур кардани фазои маънавии эшон барномаҳои фарҳангиро бештар ташкил ва гузаронад.

Худи бошандагон низ изҳор намуданд, ки ин макон барояшон чун истироҳатгоҳ буда, миннатдориашонро барои муҳайё намудани чунин имконот ба Асосгузори сулҳу Ваҳдати миллӣ, Пешвои миллат Президенти мамлакат мӯҳтарам Эмомалӣ Раҳмон изҳор доштанд.

Дафтари матбуоти
Раиси шаҳри Хуҷанд

Нет комментариев

Также рекомендуем