Кадбонуи Хуҷанд дар озмуни ҷумҳурӣ соҳиби ҷойи аввал гашт

0
61 просмотров

Дар шаҳри Душанбе бахшида ба соли оила озмуни ҷумҳуриявии «Кадбонуи беҳтарини сол» байни бонувони кишвар баргузор гардид.
Дар озмун аз вилояти Суғд се нафар кадбонуҳои беҳтарин ширкат намуданд.
Бо дастгирии Мақомоти иҷроияи ҳокимияти давлатӣ шаҳри Хуҷандро дар ин озмун журналисти шинохта Ҳадя Набизода намояндагӣ намуд.
Озмун дар Боғи ботаники шаҳри Душанбе баргузор гашта дар он аз хар минтақаи кишвар се нафарӣ иштирок доштанд. Тибқи низомнома иштирокчиён бояд ду намуди хӯрок, хи миллии қадимаи тоҷикӣ ва хӯроки аврупоӣ, ҳамчунин ширинию кулчақанд, ҳалво нушоба, шарбат омода намуда тарзу усули хоси оро додани дастурхонро пешкаш менамуданд. Кадбонуи Хуҷанд Ҳадя Набизода ба ҳозирон ва ҳайати ҳакамон хӯроки «Кичирии Хуҷанд», ҳалвои кадугӣ, нӯшобаи хуч бо чойкаҳак хуришҳои мевагӣ ва дигар намудҳои гуногуни ғизоро пешкаш намуда, хусусиятҳои табобати, таъсири мусбии он ба ҳолатҳои равонии инсонро муаррифӣ намуд. Ба ҳайати ҳакамон хусусан маводи ғизои аз сабзавоту меваҷот омода намудаи Ҳадя Набизода, ки хавфи ба бемории саратон дучор шудани инсонро кам мекунад, писанд омад ва аз ҷониби онҳо баҳои баланд гирифт.
Дар ниҳоят кадбонуи хуҷандӣ сазовори ҷойи аввал гашта соҳиби тӯҳфаҳои хотиравӣ ва дипломи озмун гашт.

Дар ин бора http://www.khujand.tj/tg/arhiv/1247-katbonu хабар медиҳад.

Нет комментариев

Также рекомендуем