Кадом намуди шарбат босифат аст

0
79 просмотров

Дар бисёр шарбатҳое, ки дар мағозаҳо фурўхта мешаванд, навиштаҷоти «Шарбати табиӣ», «100% шарбат» ва ғайраро дидан мумкин аст. Аммо ин маънои онро надорад, ки истеҳсолкунанда меваро афшурда, шарбаташро ба қуттӣ гирифтааст. Аз рўи баъзе маълумотҳо танҳо 2 фоизи шарбатҳои истеҳсолшаванда бо чунин тарз истеҳсол карда мешаванд, ки дар мағозаҳо фурўхта мешаванд. Агар дар қуттии шарбат навиштаҷоти «Шарбати бевосита афшурдашуда» ҷой дошта бошад, пас аз меваҳои тару тоза тайёр карда шудааст. Боқимонда 98 фоиз шарбатҳо истиқроршуда мебошанд, яъне ба завод консентратро оварда, бо об омехта мекунанд, то шакли азалиро нагирад, зеро стандарт чунин талаб мекунад. Агар дар қуттии шарбат навиштаҷоти «Садфоиза» мавҷуд бошад, пас бояд таркиби он аз рўи таъму маззаву бўй монанди шарбати воқеӣ бошад.

410

Барои ҳамин ҳам истеъмолкунандагон ҳангоми истеъмол шарбати табииро аз шарбати сунъӣ ба осонӣ фарқ карда наметавонанд. Истеҳсолкунандагон инчунин роҳҳои дигари ба даст овардани шарбати камарзишро аз худ намудаанд. Масалан, дар аввал афлесунро афшурда, шарбати онро мегиранд ва бо навиштаҷоти «Бевосита афшурдашуда» ба фурўш мегузоранд. Сипас ба пасмондаи афшурдаи афлесун об рехта, чандин маротиба меафшуранд, ки дар натиҷа аз он моеи маззаи афлесундошта ҳосил мешавад. Агар инсоф диҳад, онҳо ба ин моеъ консентрат ва ё шакару кислотаи лимӯ ҳамроҳ менамоянд, баъд ба қуттӣ гирифта, бо навиштаҷоти «Шарбат» ба фурўш мегузоранд. Барои ҳамин ҳам чунин технологияи истеҳсолот ба манфиати истеҳсолкунандагон хоҳад буд, зеро арзиши аслии шарбати ба чунин тарз истеҳсолшуда якчанд маротиба арзонтар аст. Ин ҷо як мушкилӣ ҷой дорад, зеро аз рўи қоида онро шарбат номидан мумкин нест ва дар қуттии он бояд чунин навиштаҷотҳо ҷой дода шаванд: «Нўшокӣ» ва ё «Шаҳд», на ин ки «Шарбат».

1448391436_apple_jus

Ба ақидаи мутахассисон дар алоқамандӣ аз номгузории маҳсулот аз 20 то 40 фоиз қаллобӣ ҷой дорад. Воситаҳои асосии қаллобӣ ин ҳамроҳ намудани шакар, моддаҳои туршкунанда ва кислотаҳои органикӣ мебошад. Аммо вақтҳои охир ароматизаторҳо, рангҳои сунъӣ ва моддаҳои сунъии ширинкунандаҳои сунъии (подсластитель) маҳсулотҳои шарбатӣ васеъ истифода бурда мешаванд.

Барои муайян намудани қаллобӣ Шумо худатон метавонед онро ошкор созед.

Санҷиши якумро барои ошкор намудани мавҷудияти рангкунандаҳои сунъӣ истифода менамоем. Барои ин ба мо содаи хўрока лозим мешавад. Барои санҷиши шарбатҳои буттамевагии сурх ( аз қот, олуболу, қулфинай ва ё аз ангур) ним стакон обро гирифта, ба он 2 чимдӣ сода ҳамроҳ менамоем ва ба он шарбатро мерезем. Агар шарбат ранги сиёҳтобро гирад, пас он табиӣ аст ва агар ранги шарбат тағйир наёбад, пас дар таркибаш рангкунандаҳои сунъӣ дорад.

apelsinovyj-sok-4

Шарбатҳои норинҷӣ (афлесунӣ, шафтолугӣ ва зардолугӣ) бо дигар усул санҷида мешаванд. Бояд ба шарбат маҳлули сода ҳамрҳ карда, то ба ҷўшидан расонидан лозим аст. Агар ранги шарбат бетағйир монад, пас дар таркиби худ рангкунандаҳои сунъӣ дорад. Шарбати табиӣ бошад, пас аз ҷўшидан бояд шаффоф гардад.

Санҷиши дуюм ин санҷиши мавҷудияти ароматизаторҳо мебошад. Ароматизаторҳоро асосан аз асоси равғанҳо тайёр менамоянд. Бинобар ин, ба воситаи ламс муайян намудан мумкин аст. Бояд қатраи шарбатро дар байни ангуштон сойонидан лозим аст. Агар часпакии равғаниро ҳис намоед, пас маълум мегардад, ки ба шарбат ароматизаторҳои сунъӣ ҳамроҳ карда шудааст.

Нет комментариев

Также рекомендуем

Королевское мороженое

Мороженое — это замороженная сладкая масса из молочных продуктов с добавлением различных добавок. Когда оно было придумано, точно не известно, однако историки считают, что это ...