Камонкаши соҳибноми тоҷик

0
61 просмотров

Бахшида ба 60 – солагии варзишгари номии тоҷик Зебунисо Рустамова дар Кохи Рӯдакии шаҳри Хуҷанд чорабинии фарҳангӣ доир гардид.

Зимни ироаи паёми табрикӣ муовини якуми раиси вилоят Ҷ. Сангинов изҳор дошт, ки: «Маҳз ба воситаи маҳорати олии камонварии хеш ин варзишгари соҳибноми тоҷик шарафи на танҳо Тоҷикистон, балки собиқ Иттиҳоди Шӯравиро боло бардошта, ба мақоми Устоди шоистаи варзиши Иттиҳоди Шӯравӣ мушарраф гардид” .

Ҷоиз ба зикр аст, ки Зебунисо Рустамова қаҳрамони мутлақи ҷаҳон, қаҳрамони Аврупо, ҷоизадори медали биринҷии Бозиҳои олимпии Монреал, қаҳрамони ҷаҳон дар ҳайати Иттиҳоди Шӯравӣ, дорандаи медали нуқраи чемпионати ҷаҳон, 15 карат чемпиони Иттиҳоди Шӯравӣ, 20 карат ҷоизадори чемпионатҳои Аврупо, Иттиҳоди Шӯравӣ ва Тоҷикистон ва ғолиби чандин мусобиқаҳои ҷаҳониву қитъавӣ ба ҳисоб меравад.

Барои хизматҳои шоистааш дар рушди варзиш бо ордени “Нишони фахрӣ” ва медали “Барои меҳнати шуҷоатнок” мукофотонида шудааст. Дар ин бора khovar.tj хабар медиҳад.

 

Нет комментариев

Также рекомендуем

Чӣ тавр маблағро пасандоз намуд?

Чӣ хеле ки маълум аст, принсипи пасандоз ё захира кардани маблағ хело оддӣ мебошад: бояд ҳар моҳ нисбат ба маоши мегрифтаатон камтар  маблағро сарф кунед. ...