Қазоқистон ва Чин қарордоди 14 миллиард долларӣ имзо карданд

0
471 просмотров
Лӣ Кекянг

Лӣ Кекянг

Нахуствазирони Қазоқистон ва Чин дар Остона мулоқот ва ба арзиши 14 миллиард доллар қарордодҳои нав имзо карданд. Карим Масимов-нахуствазири қазоқ ва Лӣ Кекянг-ҳамтои чинии вай дар маросими имзои 30 санади дигари ҳамкорӣ ҳузур доштанд. Тибқи яке аз санадҳои муҳими имзошуда Чин барои тавлиди оташ-яке аз моддаҳои кимиёӣ дар Қазоқистон 3,8 миллиард доллар сармоягузорӣ хоҳад кард. Қарордодҳои дигар ба рушди муштараки корхонаҳои тавлиди барқи ҳароратӣ ва таҷдиди таҷҳизот иртибот дорад, ки барои содир кардани неруи барқ ба Чин замина фароҳам меорад. Ба ин қарордодҳо ҳамчунин тавлиди мушатараки сӯзишвории атомӣ ва кор дар конҳои уран дохил мешавад. Қазоқистон яке аз тавлидкунандагони пешгоми урани дар ҷаҳон аст ва ҳамчун бахше аз созишномаҳои пешина ба Чин  уран содир мекунад. Чин 22 реактори ҳастаи амалкунанда дорад ва боз 26 реактори дигарро месозад. Раиси ҷумҳури Қазоқистон Нурсултон Назарбоев низ бо Ли мулоқот кард ва аз густариши ҳамкориҳои ду кишвар ситоиш намуд. Дар ин бора www.ozodi.org  хабар медиҳад.  

Нет комментариев

Также рекомендуем