Китоби «Дилшод Назаров — қаҳрамони олимпӣ»-ро бихон!

0
659 просмотров

Китобе бо номи «Дилшод Назаров-қаҳрамони олимпӣ» бо ду забон: тоҷикӣ ва русӣ дар нашриёти «Андалеб»-и шаҳри Душанбе аз чоп баромад.

kitobi-d-nazarov-1

Раиси Ассотсиатсияи журналистони риштаи варзиши Тоҷикистон Нарзулло Латифов, ки муаллифи китоб аст, мегӯяд: «Дар китоби мазкур дар бораи дастоварди бузурги гурзандози машҳури тоҷик Дилшод Назаров дар Бозиҳои XXXI тобистонаи олимпии соли 2016 дар Рио-де-Жанейрои Бразилия нақл карда мешавад. Дилшод гурзро ба масофаи 78,68 метр ҳаво дода, ба унвони қаҳрамони олимпӣ мушарраф гашт». Зимнан, ин бори нахустин аст, ки дар даврони истиқлолият як варзишгари тоҷик дар ҳайати дастаи мунтахаби Тоҷикистон сазовори медали тиллои Бозиҳои олимпӣ гардидааст.
Инчунин дар ин китоб хонанда роҷеъ ба натиҷаҳои нишондодаи дастаи мунтахаби кишвар дар Олимпиадаи Рио-2016 маълумот пайдо мекунад.

kitobi-d-nazarov-3

Ба иттилои дабири кулли Кумитаи миллии олимпии Тоҷикистон ва муҳаррири масъули ин китоб Баҳрулло Раҷабалиев, дастаи мунтахаби Тоҷикистон, ки дар Олимпиадаи Рио-2016 бо шумули ҳафт варзишгар ширкат дошт, мусобиқотро бо як медали тилло ба анҷом расонд ва дар байни 206 кишвар дар ҷойи 54-ум қарор гирифт. Ин натиҷа нисбат ба Олимпиадаи Лондон дар соли 2012-ум 25 зина болост.

kitobi-d-nazarov-4

Китоби мазкур, ки онро Кумитаи миллии олимпии Тоҷикистон дар ҳамкорӣ бо Ассотсиатсияи журналистони соҳаи варзиши кишвар ба табъ расондааст, ҳамчун манбаи иттилоотӣ барои доираи фарохи хонандагон, аз ҷумла, ҷавонон, донишҷӯёну устодон, кормандону хабарнигорони соҳа, муаррихону муҳаққиқон ва алоқамандони варзиш пешбинӣ шудааст.

kitobi-d-nazarov-5

Нарзулло Латифов китоби нави худ «Дилшод Назаров-қаҳрамони олимпӣ»-ро ба ширкаткунандагони ҳамоиши роҳбарони кумитаҳои миллии олимпии кишварҳои Иттиҳоди Давлатҳои Мустақил, Балтика ва Гурҷистон, ки санаҳои 6-7 октябр дар шаҳри Сочии Русия баргузор шуд, тақдим намуд.

Манбаъ: /khovar.tj/

Нет комментариев

Также рекомендуем