КИВИН-2015: Дастаи Тоҷикистон ба даври дуюм роҳ ёфт

8
533 просмотров

222Дар Фестивали 26-уми байналмилалии дастаҳои «КВН Кивин-2015» (Клубҳои зарофатгӯёну ҳозирҷавобон) дар шаҳри Сочии Русия ҳудуди 400 даста аз 14 кишвари дунё ширкат меварзанд. Тоҷикистонро дастаи КВН «Мунтахаби Тоҷикистон» намояндагӣ мекунад, ки ҳайаташ аз беҳтарин зарофатгӯёну ҳозирҷавобони ҷумҳурӣ иборат аст. Роҳбари даста Хайрулло Мирсаидов дар ин робита иттилоъ дод, ки аз 12 то 16-уми январ ҳамаи дастаҳои фестивал дар давраи аввал ҳунарнамоӣ намуда, аз рӯи натиҷаҳои он рӯйхати дастаҳои ба даври дуюм роҳёфта эълон карда шудааст.

«Аз 382 дастаи дар даври аввал ширкатдошта 72 даста ба даври дуюм гузаштанд, ки миёни онҳо дастаи Тоҷикистон низ ҳузур дорад. Барои дастаи мо ин аллакай як дастоварди арзанда буда, дар пеш ҳунарнамоӣдар даври дуюм моро интизор аст, ки аз рӯи натиҷаҳои он дастаҳое муайян карда мешаванд, ки дар барномаи телевизионии Фестивал иштирок хоҳанд кард. Табъи дастаи мо болида буда, омодаем, ки барои расидан ба натиҷаҳои ҳарчи хубтар талош варзем», — гуфт Мирсаидов. Қобили зикр аст, ки Фестивали мазкур то 25-уми январ идома меёбад. Дар ин бора news.tj  хабар медиҳад.

8 comments

Опубликовать новый комментарий

Также рекомендуем