Компютери IBM Watson бемориҳои саратонро табобат мекунад

0
107 просмотров

Компютери навъи олӣ ё суперкомпютери IBM Watson  на танҳо қодир аст мураккабтарин  ҳисобу китоби арифметикиро бо суръати баланд анҷом диҳад, балки метавонад ба ташхиси сареъи бемориҳои саратон низ муваффақона истифода шавад.

Ин компютер дорои як системаи ҷадиди сунъии зеҳнист, ки қодир аст таҳлилҳоеро анҷом диҳад ва иртиботҳоеро ошкор созад, ки ақли одамӣ намегирад.

Пӯшида нест, ки ҳатто як навъи бемориҳои саратонӣ ба одамони гуногун бо роҳҳои мухталиф ворид мешаванд, ин аст, ки дар олам шеваи ягонаи табобати ин навъи бемориҳо вуҷуд надорад. Дар ҳолате муолиҷаи кимиёвӣ муассир аст ва фоида мекунад, дар ҳолати дигар муолиҷаи родиёӣ ва барои гуруҳи сеюм равишҳои дигари  пизишкӣ ёрӣ мерасонанд. Дар мураккабтарин ҳолатҳо ҳуҷайраҳои саратон новобаста аз чизе рушд мекунанд, ҳуҷайраҳову бофтаҳои бадани инсонро хароб месозанд.

Маъмулан барои духтурони соҳибтаҷриба ҳафтае ва ё моҳе лозим меояд, ки таркиби ин бемориро дар инсон муайян кунанд ва доруи мутобиқ ба он ва дигар роҳу равишҳое, ки таъсири амиқ мерасонанд, интихоб намоянд. Вале Watson, ки бо маълумоти зарурӣ таъмин шудааст, дар муҳлати хеле кутоҳ – зарфи чанд дақиқа роҳҳои мубориза бо ҳар омоси саратонро муайян мекунад. Худи Watson метавонад гаронарзиш бошад, вале дар қиёс ба он ки дар ташхис хеле иштибоҳи камтар мекунад ва кори як ҳайати духтурони баландихтисоси саратоншиносро анҷом медиҳад, он арзон аст.

Табибоне, ки ширкати IBM  киро кардааст, ҳамрӯза ба мағзи мутафаккири он маълумоти зиёдеро дар бораи ин марзӣ ворид мекунанд, аз ҷумла нишони ҳуҷайраҳои ДНК –и омосҳои гуногуни саратон, равишҳои мавҷудаи табобат, таърихи касалӣ ва ғайраро, ки иртибот ба беморӣ доранд, ворид месозанд. Компбтери навъи олии Watson ҳазор навъи паҳншавии бемориро дар худ ҷо медиҳад ва аз маълумоти дарёфтӣ хазина месозад ва дар ҷараёни ташхис аз он истифода мекунад, роҳҳои табобат ва истифодаи дору ва меъёри онро нишон медиҳад.

Ба он нигоҳ накарда, ки компютери мазкур дастрасии номаҳдуд ба маҷаллаҳои илмӣ ва мақолаву китобҳо ва маълумоти санҷишҳои бемористонӣ дорад, барои  шинохтани бахшҳои хоси ДНК, ки аз тариқи чандин марҳилаи сироят гузаштаанд, мушкилӣ мекашад. Вале аз он ки табибон ҳамеша ба он маълумотҳои тоза илова мекунанд, донишмандон умедворанд дар наздиктарин фурсат Watson  самара хоҳад  дод.

Copyright © 2015 TojNews

Нет комментариев

Также рекомендуем