Комроншоҳ дар Анталия соҳиби медали тилло гардид!

0
625 просмотров

Паҳлавони номдори тоҷик Комроншоҳи Устопириён дар Мусобиқаи байналмилалии Гран-Прии дзюдо («Grand-Prix Antalya 2018»), ки дар шаҳри Анталияи Туркия шоми 8-уми апрел анҷом ёфт, зимни  рақобат дар вазни 90 кило медали тилло ба даст овард. 

Комроншоҳ шоми 8-уми апрел дар рақобати ниҳоӣ бо қаҳрамони ҷаҳон дар гӯштини дзюдо Неманҷа Маҷдов аз Сербистон пирӯзӣ ба даст овард.

Баъди ин ғалабаи паҳлавони тоҷик Тоҷикистон миёни 50 кишвари иштирокдор ба зинаи 8-ум баромад. Комроншоҳи Устопириён бори дуюм аст, ки сазовори медали тилло мегардад, зеро ӯ дар  «Анталия Гран-При 2017” низ  соҳиби мақоми аввал шуда буд.

Ёдовар мешавем, ки дар мусобиқаи байналмилалии Гран-Прии дзюдо зиёда аз 300 варзишгар  аз 50 кишвар миёни ҳам рақобат намуданд. Дар ин мусобиқа дар вазни то 100 кг Саидҷалол Саидов мақоми ҳафтум касб кард.

Тоҷикистонро дар ин мусобиқаи сатҳи баланд 7 варзишгар: Наврӯз Каримзод, Беҳрӯзи Хоҷазода, Мирзоҷамил Рамазонов, Ҷаҳонгир Маҷидов, Акмал Муродов, Комроншоҳи Устопириён ва Саидҷалол Саидов муаррифӣ намуданд.

Манбаъ: Сомонаи расмии АМИТ «Ховар»

Нет комментариев

Также рекомендуем

Акссессуари нав аз Motorola — Keylink

Соли равон Motorola тамоми смартфонҳояшро на танҳо пурра такмил дод, балки иловатан ба он якчанд акссесуарҳоро истеҳсол кард. Байни онҳо Turbo Charger, Powerpack Micro ва Moto ...
%d такие блоггеры, как:

Сообщить об опечатке

Текст, который будет отправлен нашим редакторам: