Комроншоҳ Устопириён соҳиби медали биринҷӣ гардид

0
1 091 просмотров

Паҳлавони маъруфи тоҷик Комроншоҳи Устопириён дар Бозиҳои 18-уми тобистонаи осиёӣ дар шаҳри Ҷакартаи Индонезия аз рӯи намуди гӯштини дзюдо  медали биринҷӣ ба даст овард, ки ин чорумин медали дастаи мунтахаби Тоҷикистон мебошад.

Комроншоҳ дар сабқати мардон дар вазни то  90 кг нахуст бар  Шри Рам Макаҷу аз Непал пирӯз шуд ва ба чорякфинал баромад. Ӯ дар даври чорякниҳоӣ Насиф Елиасро аз Лубнон мағлуб кард.   Комроншоҳ дар даври ниманиҳоӣ аз гӯштингири муғул Алтанбагана Гантулга шикаст хӯрд.

Ҳамин тариқ, Комроншоҳ дар Бозиҳои 18-уми тобистонаи осиёӣ барои медали биринҷӣ бо Ислом Бозбоеви қазоқ мубориза бурда, медали биринҷиро соҳиб шуд

Ёдовар мешавем, ки  варзишгарони тоҷик дар Бозиҳои тобистонаи осиёӣ сар аз соли 1994 барои бори ҳафтум ширкат доранд. Умуман, дар ин мусобиқоти бузургтарини қитъавӣ мунтахаби Тоҷикистон то ҳоло ҳамагӣ 25 медал (4 тилло, 6 нуқра ва 15 биринҷӣ) гирифтааст. Се медали тиллоро гурзандоз Дилшод Назаров ба даст овардааст. Як медали тилло ба муштзан Ҷаҳон Қурбонов марбут аст.

Манбаъ: АМИТ «Ховар»

Нет комментариев

Также рекомендуем

Муродҷон: аз Хуҷанд то ба Амрико

Таваҷҷӯҳи давлату Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд нисбат ба ҷавонони касбу кор ва синну соли мухталиф пайваста меафзояд. Ин аст, ...
%d такие блоггеры, как:

Сообщить об опечатке

Текст, который будет отправлен нашим редакторам: