Қадршиносии Комроншоҳ ва Беҳрӯз бо Ҷоми Амир Темур

0
1 400 просмотров

Паҳлавонҳои шинохтаи тоҷик Комроншоҳи Устопириён ва Беҳрӯз Хоҷазода дар мусобиқаи 7-уми байналмилалии Ҷоми Амир Темур оид ба куштии кураш дар шаҳри Шаҳрисабзи Ӯзбекистон сазовори ҷои аввал ва медалҳои тилло шуда,ҷоизаҳои сеҳазордолларии президенти Ӯзбекистонро ба даст оварданд.

Комроншоҳ дар вазни 90 кило ва Беҳрӯз дар вазни 73 кило сазовори медали тилло шуда, ҷоизаҳои  3-ҳазордолларии Президенти Ӯзбекистон Шавкат Мирзиёев тақдим карда шуд.

Комроншоҳи Устопириён рӯзи 8 апрел дар Туркия дар мусобиқаи бонуфузи байналмилалии Гран При Анталия 2018 низ дар гуштини дзюдо дар вазни 90 кило соҳиби медали тилло шуд. Кумитаи миллии олимпии Тоҷикистон барои пирӯзиаш дар он мусобиқа ба Комроншоҳи Устопириён 500 доллар ҷоиза дода буд. Комроншоҳ дар ҳоле дар Ӯзбекистон соҳиби медали тилло шуд, ки бо қарори Кумитаи ҷавонон ва варзиши Тоҷикистон ин паҳлавони хушномро барои ду сол – то 1 апрели соли 2019 аз ҳаққи ширкат дар мусобиқаҳои куштии тоҷикӣ маҳрум кардаанд.

Беҳрӯзи Хоҷазода як паҳлавони ҷавони тоҷик аст, ки моҳи ноябри соли 2017, дар пайи ба даст овардани унвони чемпиони ҷаҳон дар гуштии самбо вирди забонҳо шуд. Беҳрӯз нахустин паҳлавони тоҷик аст, ки 42 сол баъд дастоварди ҷаҳонпаҳлавон Саидмӯъмин Раҳимовро такрор кард.

Манбаъ: Сомонаи Тоҷикистонтаймс

Нет комментариев

Также рекомендуем

Тухм ва тарзи дурусти интихоб

Чӣ  хеле маълум гаштааст, истеҳсолкунандагон роҳҳои ранги тухми мурғи фабрикавиро ба тухми мурғи хонагӣ  монанд намуданро омӯхтаанд. Зардии тухми мурғи хонагӣ  нисбати тухми мурғи фабрикавӣ  ...